'शिंदेंसोबत जायचं होतं तर आमच्यासोबत युती करायची नव्हती', KDMC वरून राऊत संतापले.. थेट सुनावलं!

'जिथे अत्यंत अस्थिरता आहे तिथे आम्ही शिदेंसोबत कदापि जाणार नाही. इतर जर काही पर्याय उपलब्ध असतील तर त्यासंदर्भात पक्षप्रमुख निर्णय घेतील. पण परस्पर कोणी निर्णय घेणार नाही.' 

'ज्या प्रकारे सोशल मीडिया, माध्यमं यातून संशयाचं वातावरण निर्माण झालं आहे. किंवा लोकांच्या मनात शिदेंविरोधात राग आहे मराठी माणसाबाबत. तो पाहिल्यावर लक्षात येईल की, अशाप्रकारची कोणतीही युती मराठी माणूस मान्य करत नाही.म्हणून मुंबईत आम्हाला यश का मिळालं? शिदेंना धडा शिकवायचा होता.. गद्दारांना धडा शिकवायचा होता. म्हणून मुंबईत यश मिळालं.'

हे ही वाचा>> KDMC: राज ठाकरेंच्या मनसेने पुन्हा बदलली भूमिका?, ज्यांच्या विरुद्ध लढले त्यांच्यासोबतच गेले सत्तेत...

'त्यासाठी ठाकरे बंधू एकत्र आले.. भाजप-शिंदेंचा पराभव करण्यासाठी. आता मला असं सांगण्यात आलं की, काही ठिकाणी शिवसेनेने अशा युती केल्या आहेत. मला तसं दिसत नाही. कणकवलीमध्ये एक आघाडी स्थापन झाली होती.. पण ती निवडणुकीपूर्वी. त्यात सर्वपक्षीय होते.. ती काही शिंदेंसोबत युती नव्हती. एक सर्वपक्षीय आघाडी एका नगरपंचायती निर्माण झाली. त्यात शिवसेना सामील झाली.' 

'राज ठाकरे यांचा स्वतंत्र पक्ष असला तरी कल्याण-डोंबिवलीत ज्यांनी खालच्या स्तरावर शिदेंसोबतच्या युतीचा निर्णय घेतलाय त्यांची राजकारणातील विश्वासर्हता पूर्णपणे संपलीय. ज्या कोणी घेतला असेल कुठल्याही पातळीवर. त्यांच्याबाबत मराठी माणसामध्ये जो विश्वास निर्माण झाला होता तो पूर्णपणे संपला आहे.' असं संजय राऊत यावेळी म्हणाले.