मला धमकावणारे तुम्ही कोण? मी घाबरणारा असतो तर गावाकडेच राहिलो असतो, अन्नामलाई यांचं राज ठाकरेंना प्रत्युत्तर

हेही वाचा : Govt Job: सरकारी नोकरीची सुवर्णसंधी! 10 वी पास उमेदवार देखील करू शकतात अर्ज... कधीपर्यंत कराल अप्लाय?

अन्नामलाई राज ठाकरेंना प्रत्युत्तर देताना काय म्हणाले? 

अन्नामलाई म्हणाले, मला धमकावणारे आदित्य ठाकरे आणि राज ठाकरे कोण आहेत ? मी शेतकऱ्याचा मुलगा असल्याचा मला अभिमान आहे. मला शिवीगाळ करण्यासाठीच त्यांनी सभा आयोजित केल्या आहेत. मी इतका महत्त्वाचा झालो आहे का, हेही मला कळत नाही. काही जणांनी तर मी मुंबईत आलो तर माझे पाय कापू, असे लिहिले आहे. मी मुंबईत येणारच आहे; कुणाची हिम्मत असेल तर पाय कापून दाखवावेत. अशा धमक्यांना घाबरणार असतो, तर मी केव्हाच माझ्या गावातच राहिलो असतो, असं आव्हानही अन्नामलाई राज ठाकरेंना दिलं. 

“जर मी कामराज हे भारतातील महान नेत्यांपैकी एक आहेत, असे म्हटले, तर ते तमिळ नाहीत असा त्याचा अर्थ होतो का? आणि जर मी मुंबई ही जागतिक दर्जाची शहर आहे, असे म्हटले, तर ती महाराष्ट्रीय लोकांनी उभारलेली नाही, असा त्याचा अर्थ होतो का?” असा सवाल अण्णामलाई यांनी उपस्थित केला.

“माझा अपमान करणे काही नवीन नाही. डीएमके गेल्या अनेक वर्षांपासून हे करत आहे. मात्र आता ते तमिळ लोकांचा एक समाज म्हणून अपमान करत आहेत. त्यांचं राजकारण अशा धमक्या आणि दहशतीवरच टिकून आहे. हात-पाय कापण्याच्या धमक्यांनी घाबरणारा मी नाही,” असेही भाजप नेते अण्णामलाई म्हणाले.

इतर महत्त्वाच्या बातम्या 

‘मुंबईत 60 टक्के परप्रांतीय तर मराठी मतदार…’, रामदास आठवलेंनी महायुतीच्या विजयाचं गणित मांडलं