होम
राजकीय आखाडा
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो बाल्कनी
हवामानाचा अंदाज
टॉपिक
मुंबई: ठाकरे बंधू हे 24 तास राजकारण करत नाही, ते त्यांच्या सोयीने राजकारण करतात. अशी टीका शिवसेना UBT पक्षप्रमुख उद्धव ठाकरे आणि मनसे अध्यक्ष राज ठाकरे यांच्यावर सातत्याने होते. पण आता याच टीकेला शिवसेना UBT नेते आदित्य ठाकरे यांनी नेमकं उत्तर दिलं आहे. मुंबई Tak च्या महाचावडीवर आदित्य ठाकरे आणि अमित ठाकरे या दोन ठाकरे बंधूंची Super Exclusive मुलाखत पार पडली. ज्यामध्ये त्यांनी अनेक प्रश्नांना सडेतोड उत्तरं दिली.
ADVERTISEMENT
मुंबईतील बाळासाहेब ठाकरे स्मृतीस्थळावर ही महाचावडी पार पडली. जिथे दोन्ही ठाकरेंनी जोरदार फटकेबाजी केली. याचवेळी त्यांना 24 तास राजकारण न करण्यावरून केल्या जाणाऱ्या टीकेबद्दल विचारण्यात आलं. पाहा त्यावर आदित्य ठाकरेंनी नेमकं काय उत्तर दिलं.
पाहा आदित्य ठाकरेंचं काय म्हणाले..
'24 तास राजकारण म्हणजे काय? आता ही जी काही तीन तिगडी बात बिगडी.. बसलेलं आहे ना सरकार.. त्याच्यात 24 तास राजकारण म्हणजे विमान, हेलिकॉप्टर.. गरागरा घेऊन फिरायचं.. वाट्टेल ते एकमेकांवर शिव्याशाप देतात, टीका करतात. कोण 70 हजार कोटीचा घोटाळा काढतं, कोण जमिनीचा घोटाळा काढतं. हे सगळं झाल्यावर.. गरागरा फिरून.. आज महाराष्ट्राचे हाल का आहेत?'
हे ही वाचा>> '20 जूनला पळालात... त्याच्या महिनाभर आधीच...', महाचावडीवर आदित्य ठाकरेंचा एकनाथ शिंदेंबाबत मोठा खुलासा
'चला.. आम्ही 24 तास राजकारण करत नसू.. पण तुम्ही हा विचार करू शकता का.. आज फडणवीस साहेब मुख्यमंत्री म्हणून किंवा मिंधे आहेत त्यांच्या बाजूला.. किंवा दादा बसलेत.. यामधून कोणी मुख्यमंत्री जर कोरोना काळात असतं तर किती वाट लागली असती महाराष्ट्राची.. जिथे यूपीमध्ये जे झालं तसे महाराष्ट्राचे हाल झाले असते.'
'ते पण ना.. 3 तास, 4 तास झोपतात.. कधी कधी वाटतं.. अरे झोपा, आराम करा म्हणजे पुढची पॉलिसी तरी नीट होईल.'
'कधी कधी तुम्हाला नॉर्मल आयुष्य काय आहे हे ठरवावं लागतं.. तुम्ही जर बाकीचं वाचनच केलं नाही, लोकांना भेटलाच नाहीत. तुम्ही मित्र-मंडळींना भेटला नाही तर डोकं टाळ्यावर नाही राहिलं तर खोटं बोलायला तुम्हाला 24 तास मिळतात.'
'एक मिनिटं पकडून चालूया की, उद्धव साहेब 24 तास राजकारण नाही करत. पण कुठचीही निवडणूक समोर नसताना त्यांनी कर्जमुक्ती करून दाखवलेली की नाही? महाराष्ट्रात एकमेव कर्जमुक्ती असेल जी खरोखर शेतकऱ्यांपर्यंत पोहचली. कोव्हिडचं.. जीव वाचवून दाखवले होते की नाही.. कोस्टल रोड करून दाखवलं की नाही.'
हे ही वाचा>> महाचावडी: दोन 'ठाकरे' पहिल्यांदाच 'चावडी'वर एकत्र, Super Exclusive मुलाखत लवकरच मुंबई Tak वर!
'याच पलीकडे जे 24 तास राजकारण करणारे लोकं आहेत.. एकामेकांना शिव्या देणारे, पक्ष फोडणारे लोकं आहे. त्यांनी असं काय केलंय ते दाखवा.' असं म्हणत आदित्य ठाकरेंनी भाजप आणि एकनाथ शिंदेंवर यावेळी निशाणा साधला.
कुठे आणि कधी पाहता येईल आदित्य ठाकरे आणि अमित ठाकरेंची महाचावडी?
शिवसेना UBT नेते आदित्य ठाकरे आणि मनसे नेते अमित ठाकरे यांची महाचावडी ही आपल्याला मुंबई Tak च्या यूट्यूब चॅनलवर पाहता येईल. ही संपूर्ण मुलाखत आपल्याला उद्या (7 जानेवारी 2026) सायंकाळी 6.00 वाजता पाहता येईल.
ADVERTISEMENT
