Pratap Sarnaik : "तुळजापूर, धाराशिवमधून ड्रग्ज तस्करांचा नायनाट करा, नाहीतर...", सरनाईकांनी पोलिसांनाही दिला इशारा

प्रताप सरनाईक म्हणाले, "कोणताही ड्रग्ज तस्कर असूद्या त्याला कोणत्याही परिस्थितीत आम्ही सोडणार नाही. कोणताही राजकीय हस्तक्षेप असू द्या, त्याला जेलच्या आतमध्ये टाकल्याशिवाय प्रताप सरनाईक गप्प बसणार नाही. तशा सूचना मी पोलिसांना दिलेल्या आहेत. यामध्ये पोलीस किंवा राजकीय पक्षाच्या कोणत्याही नेत्याता सहभाग असेल, तर दोघांनाही आतमध्ये टाकायला प्रताप सरनाईक कमी पडणार नाही. एसपींना मी स्पष्टपणे सूचना दिलेली आहे की मला आजपासून 72 तासात लेखी स्वरुपात सर्व माहिती हवी आहे. जे ड्रग माफिया मोकाट असतील, त्यांना आत टाकायची जबाबदारी सुद्धा घेतली आहे. नाहीतर मी स्थानिक पोलिसांवरच कारवाई करण्याच्या सूचना करणार आहे".

हे ही वाचा >> Dhananjay Munde : अंजली दमानियांनंतर RTI कार्यकर्ते विजय कुंभार यांचेही धनंजय मुंडेंवर गंभीर आरोप

तुळजापूर येथील पुजाऱ्याने ड्रग्ज तस्करीवरून तक्रार केली होती. बैठकीतून बाहेर पडताच मंत्री सरनाईक चांगलेच संतापले. बैठकीवरून बाहेर पडताच मंत्री सरनाईक चांगलेच संतापले होते. तक्रारदारांना धमक्या द्याल तर याद राखा, असं म्हणत सरनाईकांनी पोलिसांनाही सुनावलं. आरोपींना आत टाकलं नाही, तर तुमचीच तक्रार करणार, असा इशाराही सरनाईकांनी पोलिसांना दिलाय. 

हे ही वाचा >> Crime : मॅट्रिमोनिअल साईटवरुन फसणूक, दिल्लीचा पोलीस अधिकारी म्हणून महाराष्ट्रात अनेक महिलांना फसवलं