'...तर मराठी पैलवानावर अन्याय होईल', सिकंदर शेखसाठी खासदार सुप्रिया सुळेंकडून पंजाब सरकारशी बोलणी सुरु

रोहित पवारांची पोस्ट जशीच्या तशी

रोहित पवार म्हणाले, पै. सिकंदर शेख हा एक गुणी पैलवान असून त्याने आतापर्यंत केवळ त्याच्या गुणवत्तेवरच कुस्ती क्षेत्रात स्वतःचं असं एक स्वतंत्र स्थान निर्माण केलं. कुस्ती सोडून गुन्हेगारी क्षेत्रात तो जाईल, यावर आमचा बिलकूल विश्वास नाही, कदाचित कुस्तीमध्ये त्याची होत असलेली प्रगती पाहून कुणीतरी त्याला जाणीवपूर्वक अडकवण्याचा प्रयत्न केला असू शकतो. याबाबत महाराष्ट्र सरकारने पंजाब सरकारशी बोलून सिकंदरवर कोणताही अन्याय होणार नाही, याची काळजी घ्यावी. अन्यथा चुकीच्या पद्धतीने त्याला अडकवल्यास ते लंबी रेस का घोडा असलेल्या एका मराठी पैलवानावर अन्याय करणारं ठरेल. यासंदर्भात खा. सुप्रियाताईंच्या माध्यमातून पंजाब सरकारशी बोलण्याचा प्रयत्न सुरु असून यातून सकारात्मक मार्ग निघेल, असा विश्वास आहे.

हेही वाचा : Pune: भर दिवसा पुणे हादरलं... आंदेकर टोळीचा ‘मुळशी पॅटर्न’, 'त्या' रिक्षा चालकाला एका मिनिटात संपवलं कारण...

सिकंदर शेखचे वडिल काय म्हणाले?

"लवकरच हिंदकेसरी स्पर्धा होणार आहे. या स्पर्धेत तो सहभागी होऊ नये म्हणून सिकंदरला खोट्या प्रकरणात ओढलं गेलं. सिकंदर किंवा आमच्या कुटुंबावर यापूर्वी कधीही कोणताही गुन्हा दाखल झालेला नाही. आम्ही साधी, गरीब माणसं आहोत. त्यामुळे महाराष्ट्र सरकारने या बाबतीत पंजाब सरकारशी चर्चा करावी, ही माझी नम्र विनंती आहे. सिकंदरने आतापर्यंत कुस्तीतील अनेक पदके मिळवली आहेत आणि त्याचं स्वप्न भारतासाठी ऑलिम्पिकमध्ये पदक जिंकण्याचं आहे," असं सिकंदरचे वडील रशीद शेख यांनी सांगितलं.

प्रकरण नेमकं काय?

सीआयए टीमने गुर्जर गँगसाठी शस्त्रास्त्रांची पुरवठा साखळी चालवणाऱ्या टोळीचा भंडाफोड करत चार जणांना ताब्यात घेतलं असून, त्यामध्ये सिकंदर शेखचाही समावेश आहे. पोलिसांनी आरोपींकडून 1 लाख 99 हजार रुपये रोख, एक 0.45 बोअरचं पिस्तूल, चार 0.32 बोअर पिस्तुले, काही काडतुसे तसेच स्कॉर्पियो-एन आणि एक्सयूवी या दोन गाड्या जप्त केल्या आहेत. या प्रकरणी खरड (पंजाब) पोलिस ठाण्यात गुन्हा दाखल करण्यात आला आहे.

इतर महत्त्वाच्या बातम्या 

राज ठाकरेंनी दाखवला सर्वात मोठा पुरावा, उडवून दिली खळबळ... म्हणाले, 'मुरबाडमध्ये राहणाऱ्यांनी...'