काँग्रेस की ठाकरे बंधू? मुंबईत मुस्लिम मतदार कोणाला मतदान करणार? असेंडिया कंपनीचा सर्व्हेतून सगळं समोर

41 टक्के मुस्लिम मतदार काँग्रेसच्या पाठिशी, ठाकरेंना बंधूंना फटका बसणार? 

असेंडिया कंपनीच्या सर्व्हेनुसार, मुंबईतील मुस्लिम मतदारांमध्ये काँग्रेसला सर्वाधिक पसंती मिळताना दिसते. जवळपास 41 टक्के मुस्लिम मतदार काँग्रेसला मतदान करण्यास इच्छुक असल्याचं या सर्व्हेतून स्पष्ट झालं आहे. त्यानंतर शिवसेना ठाकरे गट आणि मनसे आघाडीला 28 टक्के मतदारांचा पाठिंबा आहे. भाजप आणि शिंदे शिवसेनेच्या महायुतीला मुस्लिम मतदारांचा थेट पाठिंबा तुलनेने कमी असून केवळ 11 टक्के मतदार महायुतीकडे झुकलेले आहेत. उर्वरित 20 टक्के मतदार इतर पर्यायांकडे वळण्याची शक्यता व्यक्त करत आहेत.

हेही वाचा : 'मी देवेंद्रजींना सांगितलं म्हणून मागचा महापौर...', मुंबईच्या महापौराबाबत एकनाथ शिंदेंचा अत्यंत मोठा गौप्यस्फोट

ही आकडेवारी पाहता मुस्लिम मतदारांमध्ये एकत्रित मतदान न होता मतांचं विभाजन होण्याची शक्यता अधिक असल्याचं दिसून येत आहे. मुंबईतील अनेक प्रभागांमध्ये मुस्लिम मतदारांचे प्रमाण लक्षणीय आहे. मात्र या मतांचा मोठा हिस्सा वेगवेगळ्या पक्षांमध्ये विभागला गेल्यास त्याचा थेट फटका काँग्रेस आणि ठाकरे गट-मनसे आघाडीला बसू शकतो, असा राजकीय जाणकारांचा अंदाज आहे.

विशेष म्हणजे महायुतीला मुस्लिम मतदारांचा थेट पाठिंबा कमी असतानाही विरोधकांमध्ये मतविभाजन झाल्यास त्याचा अप्रत्यक्ष फायदा महायुतीला होऊ शकतो. त्यामुळे मुस्लिम मतदारांचा कल हा या निवडणुकीत निर्णायक ठरणार असून, येत्या काळात सर्वच पक्ष मुस्लिम मतदारांना आकर्षित करण्यासाठी अधिक सक्रिय होण्याची शक्यता आहे. एकूणच मुंबईत मुस्लिम मतदार कोणाच्या बाजूने जाणार यापेक्षा त्यांची मतं कितपत एकत्र राहतात, हेच या निवडणुकीचा निकाल ठरवणारा महत्त्वाचा घटक ठरणार आहे.

इतर महत्त्वाच्या बातम्या 

30 पानी सुसाईड नोट अन् अंगावर लिहिलं राष्ट्रवादीच्या उमेदवाराचं नाव; पुण्यातील 56 वर्षीय व्यक्तीने संपवलं जीवन...