हेही वाचा : जैन बोर्डिंगची जमीन हडपल्याचा आरोप, मुरलीधर मोहोळ पहिल्यांदाच समोर, गोखलेंसोबतच्या भागिदारीवरुन सविस्तर भाष्य

सत्ताधारी पक्ष मतदार याद्यांमध्येच फेरफार करत आहेत, राज ठाकरेंचा आरोप 

राज ठाकरे यांच्या सभांना मोठी गर्दी होते, पण मत मात्र मिळत नाहीत, असा सत्ताधाऱ्यांचा आरोप असतो. त्यांच्या पक्षाचा एकही आमदार किंवा खासदार नाही, असंही टीकाकार म्हणतात. मात्र, जर निवडणुका बोगस मतदार घुसवून घेतल्या जात असतील, तर आमचे आमदार-खासदार कसे निवडून येणार, असा सवाल राज ठाकरे यांनी उपस्थित केला. सत्ताधारी पक्ष मतदार याद्यांमध्येच फेरफार करत आहेत. मग तुम्ही मतदान करा किंवा करू नका, त्याचा काहीच अर्थ उरत नाही. त्यामुळे जनतेच्या मताला किंमतच राहत नाही, असा टोला त्यांनी लगावला.

राज ठाकरे म्हणाले, “आम्ही निवडणूक आयोगावर बोललो की सत्ताधारी चिडतात. आम्ही केलेले आरोप खरे असल्यामुळेच त्यांना राग येतो. तुम्हाला राग येतोय कारण तुम्हीच गैरप्रकार केले आहेत. प्रत्येकाला ठाऊक आहे की सत्ता कशी आली आणि राजकारण कसं सुरू आहे.”

यंदाच्या विधानसभा निवडणुकीत महायुतीचे तब्बल 232 आमदार निवडून आले, पण इतकं मोठं यश मिळूनही राज्यात कुठेही उत्सव, मिरवणुका किंवा जल्लोष दिसला नाही. मतदारसुद्धा निकाल पाहून आश्चर्यचकित झाले. निवडून आलेल्यांनाही समजलं नाही की ते कसे जिंकले. बोगस मतदारांच्या सहाय्याने सत्ताधारी स्थानिक पक्षांना संपवण्याचा प्रयत्न करत आहेत, असा गंभीर आरोप राज ठाकरे यांनी केला. महाराष्ट्रातील मतदार याद्या पूर्णपणे स्वच्छ केल्याशिवाय स्थानिक स्वराज्य संस्थांच्या निवडणुका घेऊन दाखवा, असे आव्हानही त्यांनी निवडणूक आयोगास दिले.

MNS Melava LIVE : राज ठाकरेंच्या उपस्थितीत मुंबईत निवडणुकांवरुन मेळावा

इतर महत्त्वाच्या बातम्या 

राज ठाकरेंकडून पुन्हा 'लाव रे तो व्हिडीओ', पीएम मोदी अन् शिंदेंच्या आमदारांचे व्हिडीओ दाखवले, निवडणूक आयोगाला घेरलं