'खाई त्याला खवखवे..', निवडणूक आयोगाची बाजू घेणाऱ्या भाजपला राज ठाकरेंचं म्हणीतून प्रत्युत्तर

हेही वाचा : 'ती' फेसबुक पोस्ट अन् श्रुती मराठे विद्याधर जोशींवर चांगलीच भडकली; म्हणाली, "घरात बसून.."

ठाकरे बंधूंचा निवडणूक आयोगाविरोधातील मोर्चा कुठून - कुठपर्यंत?  

राज ठाकरे म्हणाले, चार तारखेला संयुक्त मोर्चा निघेल.. Richardson & Cruddas या कंपनीजवळून म्हणजे भायखळ्यावरु हा मोर्चा निघेल. मुंबई महापालिकेजवळ आल्यानंतर या मोर्चाचं रुपांतर सभेत होईल. त्या ठिकाणी व्यासपीठ असेल. सकाळी 10 वाजता या मोर्चाला सुरुवात होईल. लोकं जमेपर्यंत साधारण 11-11.30 वाजता हा मोर्चा निघेल. हा निवडणूक आयोगाच्या विरोधातील मोर्चा आहे. तुम्हाला आठवत असेल गेली अनेक वर्ष आम्ही या विषयामध्ये बोलत आलो आहोत. 2017-2018 मध्ये मी यासंदर्भात अनेक नेत्यांना भेटलो होतो.ईव्हिएम मशीच्या संदर्भात देखील भेटलो होतो. आम्ही आयोगाच्या संपूर्ण विषयावर मोर्चामध्ये बोलणार आहोत. आता बोललो तर परत परत त्याच त्याच गोष्टी बोलल्या जातील. मोर्चानंतर त्याची रुपरेषा कशी असेल? हे आम्ही ठरवू..

हेही वाचा : सफाई कर्मचाऱ्यांना सापडला कुजलेला मृतदेह, पोलीस तपासात भयंकर हत्याकांडाचा उलगडा

पुढे बोलताना राज ठाकरे म्हणाले, आम्ही सर्वच राजकीय पक्षांना आम्ही या मोर्चाचे आमंत्रण देणार आहोत. सत्ताधारी लोकांना या व्यासपीठावर यायचं असेल तर ते देखील या व्यासपीठावर येऊ शकतात. गेल्या काही वर्षातील निवडणूक आयोगाचा जो कारभार आहे, त्यासंदर्भातला हा मोर्चा आहे. सर्व राजकीय पक्षांना निमंत्रणासाठी फोन केले जातील. पत्र वगैरे पाठवणार नाहीत. कुठच्याही राजकीय पक्षाचे झेंडे याच्यामध्ये नसणार याच्यामध्ये सर्वांच्या हातामध्ये तिरंगात असणार आहे. कारण हा विषय या देशातल्या लोकशाही वाचवण्याचा आणि संविधान वाचवण्याचा हा विषय आहे. 

दोन तारखेच्या सीजेपीच्या आंदोलनाला आमचा पूर्ण पाठिंबा - उद्धव ठाकरे 

उद्धव ठाकरे म्हणाले, दोन तारखेच्या कॉकरोच जनता पार्टीच्या आंदोलनाला आमचा पूर्ण पाठिंबा आहे. यापूर्वी सुद्धा जंतरमंतरला त्यांनी आंदोलन केलं होतं त्या आंदोलनाला सुद्धा आम्ही पाठिंबा दिला होता. जे जे लोकशाही वाचवण्यासाठी  आंदोलन करतील, त्यांना आमचा पाठिंबा आहे. पण त्यासाठी प्रत्येक जण प्रत्येकाच्या व्यासपीठावरती गेलाच पाहिजे, असं नाही. जसं काल काँग्रेसने आंदोलन केलं चांगली गोष्ट आहे. दोन तारखेला कॉकरोच जनता पार्टी करत आहे, चांगली गोष्ट आहे. चार तारखेला आम्ही करतो आहोत. आवश्यक वाटली तर शेवटी भीमटोला मारू.