हे ही वाचा : MOTN: देशात भाजपची त्सुनामी, आज निवडणुका झाल्या तर एकट्या भाजपला मिळतील 'एवढ्या' जागा: Survey

अपघाताची जबाबदारी  डीजीसीएने घ्यावी

अजित दादांच्या अपघातानंतर संजय राऊत यांनी दोन मागण्या केल्या आहेत. ते म्हणाले की, 'माझ्या दोन मागण्या आहेत, त्या अराजकीय आहेत. सगळ्या विमानांवर डीजीसीएचं नियंत्रण असतं. गेल्या काही काळात अनेक विमान अपघात झाले आहेत. त्यात अनेक प्रमुख लोकांचं निधन झालेलं आहे. अशा वेळी फक्त एखादा अपघात झाल्यावर चौकशीची घोषणा केली जाते. त्या चौकशीचं पुढं काय होतं? बारामती विमानतळावर रडार नव्हतं, एटीसी नव्हतं, कोणतीही यंत्रणा नव्हती. हे जर खरं असेल तर त्याला डीजीसीए जबाबदार आहे. आम्ही या अपघातात अजित पवारांसारखा एक महत्त्वाचा माणूस गमावला आहे. याची जबाबदारी डीजीसीएने घ्यायला हवी.'

अजित दादांवरील घोटाळ्याचे आरोप मागे घ्यावेत

दुसरी मागणी काय आहे हे सांगताना राऊत म्हणाले की, 'माझी दुसरी मागणी अशी आहे की, अजित दादांवर भाजपचं खरोखर प्रेम असेल तर त्यांच्यावरील सिंचन घोटाळ्याचे आरोप मागे घ्यावे. नरेंद्र मोदी, देवेंद्र फडणवीस यांनी अजित दादांवर सत्तर हजार कोटींच्या घोटाळ्याचा आरोप केला होता. तो मागे घ्यावा. तीच त्यांना खरी श्रद्धांजली ठरेल. छगन भुजबळ, प्रफुल्ल पटेल यांच्यावरही आरोप झाले. मात्र ते निर्दोष ठरले. आमच्यावरही आरोप केले आम्हाला देखील कोर्ट सोडेल.'

हे ही वाचा : मोठी बातमी.. जिल्हा परिषद व पंचायत समित्यांची निवडणूक पुढे ढकलली, आता 'या' तारखेला मतदान

फडणवीसांना टोला

आपले मुख्यमंत्री हे 36 लाख कोटी घेऊन आले आहेत. ते मंत्रालयात मोजण्याचं काम सुरु असल्याचा टोला राऊत यांनी लगावला आहे. यापुढं बोलताना ते म्हणाले की, 'महाराष्ट्राची आर्थिक परिस्थिती अत्यंत ढासळलेली आहे. जमीनदोस्त झाली आहे. लोकप्रिय योजनांच्या नावाखाली राजकीय स्वार्थ साधण्यासाठी केलेली लूट राज्याला रसातळाला घेऊन जात आहे.'