देवेंद्र फडणवीसांच्या वर्षा निवासस्थानी पलंग बसवण्यासाठी 21 लाखांच्या निविदा, सुषमा अंधारेंचा आरोप

हेही वाचा : आधी 50 हजार तर नंतर 6 लाखांची केली मागणी, मुंबईतल्या वकिलाला मसाज करणं पडलं भारी, तरुणांनी न्यूड व्हिडिओ शूट करत नको तेच...

महायुतीतील नेते पूरग्रस्त भागाला राजकीय पर्यटनासाठी जातात - अंधारे 

"एका बाजूला अतिवृष्टीमुळे झालेल्या नुकसानीसाठी शेतकरी प्रति हेक्टर 50 हजार रुपयांच्या नुकसान भरपाईची मागणी करत आहेत, परंतु फडणवीसांकडे त्यांच्यासाठी निधी उपलब्ध नाही. मात्र, वर्षा बंगल्यावर पलंग उभारण्यासाठी 21 लाखांची निविदा जाहीर केली जाते. शिवाय महायुतीतील इतर नेते पूरग्रस्त भागाला केवळ राजकीय पर्यटनासाठी भेट देत आहेत," असंही सुषमा अंधारे या वेळी बोलताना म्हणाल्या.

हेही वाचा : लोकसभेला उभे राहिले, गावाने लीड अन् निधी दिला; पण नंतर कधी फिरकलेच नाहीत, सदाभाऊ खोतांना शेतकऱ्यांनी अडवलं

दरम्यान, गेल्या काही दिवसांपासून भारतीय जनता पक्षाने उद्धव ठाकरेंच्या म्हणजेच शिवसेनेच्या दसरा मेळाव्याला लक्ष केलं आहे. दसरा मेळावा रद्द करुन तो पैसा पूरग्रस्त लोकांच्या मदतीसाठी द्यावा, असं म्हणत भाजपने ठाकरेंना डिवचलं आहे. शिवाय मंत्री चंद्रकांत पाटील यांनी देखील उद्धव ठाकरेंनी दसरा मेळावा ऑनलाईन घ्यावा, असा टोला लगावला होता. भाजपच्या या टीकेलाही सुषमा अंधारे यांनी प्रत्युत्तर दिलंय. सुषमा अंधारे काय म्हणाल्या? जाणून घेऊयात.. 

चंद्रकांत पाटलांना सुषमा अंधारेंचं प्रत्युत्तर 

सुषमा अंधारे म्हणाल्या, मंत्री ना.  चंद्रकांत पाटील यांनी दसरा मेळावा ऑनलाईन पद्धतीने साजरा करण्यासंबंधी कल्पना मांडली आहे. निश्चितपणे त्यांच्या कल्पनेचा विचार करता येईल.  मात्र त्यासाठीच्या मार्गदर्शक सूचना चंद्रकांत दादा यांनी राष्ट्रीय स्वयंसेवक संघाकडून घेणे अपेक्षित आहेत. श्री मोहन भागवत जी यांचा सशस्त्र पथसंचलना सहित असणारा दसरा मेळावा  रद्द करण्याची त्यांनी घोषणा केली की आम्हाला सुद्धा भूमिका मांडणे सोपे जाईल.