उद्धव ठाकरे फुटीर खासदारांच्या मतदारसंघात, दौरा ठरला; निशाण्यावर कोण?

हेही वाचा : बायकोनं सोडल्यावर संन्यास घेतला, आता आश्रमाच्या मागे सापडली बॉडी, साधूला कुणी संपवलं?

पक्ष पुन्हा एकदा मजबूत करण्यासाठी ठाकरेंचा दौरा 

या राजकीय भूकंपाला तोंड देण्यासाठी आणि पक्ष पुन्हा एकदा तळागाळापासून मजबूत करण्यासाठी उद्धव ठाकरे यांनी कंबर कसली आहे. ज्या सहा खासदारांनी उद्धव ठाकरे यांची साथ सोडली, त्यांच्याच मतदारसंघात जाऊन आता ठाकरे शक्तिप्रदर्शन करणार आहेत. 26 जून ते 29 जून या कालावधीत उद्धव ठाकरे या मतदारसंघांचा दौरा करणार असून, कार्यकर्त्यांशी आणि पदाधिकाऱ्यांशी संवाद साधणार आहेत. या दौऱ्याची सुरुवात उद्या, 26 जून रोजी ईशान्य मुंबई लोकसभा मतदारसंघातील भांडुप आणि घाटकोपर येथील कार्यकर्त्यांच्या भेटीगाठींनी होणार आहे, जिथून ते बंडखोर खासदारांना थेट आव्हान देण्याची शक्यता आहे.

हेही वाचा : 19 वर्षीय मुलीने आंतरजातीय विवाह केला, आईने गोड बोलून घरी नेलं अन्...

उद्धव ठाकरे 26 जून ते 29 जून फुटलेल्या 6 खासदारांच्या मतदारसंघात दौरा करणार

 27 जूनला यवतमाळ वाशिम हिंगोली मतदारसंघात उद्धव ठाकरे दौरा करणार

 28 जूनला परभणी आणि धाराशिव या दोन मतदारसंघात उद्धव ठाकरे दौरा करत कार्यकर्ते पदाधिकाऱ्यांच्या भेटी घेणार 

 तर 29 जूनला शिर्डी मतदारसंघात जाऊन कार्यकर्ते पदाधिकाऱ्यांची भेटी घेणार 

खासदार सोडून गेल्यानंतर उद्धव ठाकरे सलग चार दिवस सहा मतदारसंघात भेटी देऊन फुटलेल्या खासदारांच्या मतदारसंघात जाऊन आपला पक्ष मजबूत ठेवण्यासाठी प्रयत्न करणार

उद्या ईशान्य मुंबई मतदारसंघात जाऊन दोन ठिकाणी भांडुप आणि घाटकोपर येथे कार्यकर्ते पदाधिकाऱ्यांचे भेटी उद्धव ठाकरे घेणार आहेत.

उद्धव ठाकरे यांच्या नियोजित दौऱ्याचे वेळापत्रक अत्यंत महत्त्वाचे आहे. 27 जून रोजी ते यवतमाळ-वाशिम आणि हिंगोली या मतदारसंघांत जाऊन आपल्या समर्थकांशी चर्चा करतील. त्यानंतर 28 जून रोजी परभणी आणि धाराशिव या मतदारसंघांचा दौरा निश्चित करण्यात आला असून, 29 जून रोजी ते शिर्डी मतदारसंघात उपस्थित राहून कार्यकर्त्यांना मार्गदर्शन करणार आहेत.

ओमराजे निंबाळकर (धाराशिव), नागेश पाटील आष्टीकर (हिंगोली), संजय जाधव (परभणी), भाऊसाहेब वाकचौरे (शिर्डी), संजय दिना पाटील (ईशान्य मुंबई) आणि संजय देशमुख (यवतमाळ) या बंडखोर खासदारांच्या मतदारसंघांत ठाकरे यांची ही उपस्थिती पक्षाच्या संघटनात्मक बांधणीसाठी निर्णायक ठरणार आहे.

खासदार सोडून गेल्याने निर्माण झालेली पोकळी भरून काढण्यासाठी उद्धव ठाकरे हे सलग चार दिवस सहा मतदारसंघांचा दौरा करून कार्यकर्त्यांमध्ये आत्मविश्वास निर्माण करण्याचा प्रयत्न करत आहेत. फुटलेल्या खासदारांच्या बालेकिल्ल्यात जाऊन ठाकरे नेमकी काय रणनीती आखतात, याकडे संपूर्ण महाराष्ट्राचे लक्ष लागले आहे. या दौऱ्यातून ठाकरे हे केवळ कार्यकर्त्यांशी संवादच साधणार नाहीत, तर आगामी निवडणुकांसाठी पक्षाला बळकट करण्यासाठी नवी दिशाही देणार आहेत. आपल्या हक्काच्या मतदारसंघातूनच सुरू केलेले हे मिशन उद्धव ठाकरे यांच्यासाठी राजकीय पुनरागमनाचे महत्त्वाचे पाऊल ठरणार आहे.