भारतातून इराणला परतत असलेली युद्धनौका श्रीलंकेत पोहोचताच अमेरिकेचा हल्ला, 87 जणांचा मृत्यू

87 जणांचा मृत्यू, 32 जणांना वाचवण्यात यश 

या युद्धनौकेवर इराणचे एकूण 180 नौसैनिक तैनात होते, त्यापैकी 87 जणांचा या हल्ल्यात दुर्दैवी मृत्यू झाला आहे. श्रीलंकेच्या नौदल आणि कोस्ट गार्डने तातडीने राबवलेल्या बचाव मोहिमेत 32 सैनिकांना सुखरूप वाचवण्यात यश आले असून, उर्वरित 61 सैनिक अद्याप बेपत्ता आहेत. श्रीलंकेचे परराष्ट्रमंत्री विजिथा हेराथ यांनी संसदेत माहिती देताना सांगितले की, बुधवारी पहाटे पाचच्या सुमारास ही युद्धनौका बुडत असल्याचा संदेश मिळाला होता. सध्या बेपत्ता सैनिकांचा शोध घेण्यासाठी श्रीलंका नौदलाच्या नौका घटनास्थळी तैनात असून समुद्रात मोठ्या प्रमाणावर तेलाचा तवंग पसरल्याचे दिसून येत आहे.

हेही वाचा : सासऱ्याची लेकीसारख्या सुनेवर वाईट नजर, महिलेच्या कंबरेला चुकीचा स्पर्श... पीडितेनं घरात लावले सीसीटीव्ही

विशाखापट्टणम येथील नौदल सराव आटोपून मायदेशी परतणाऱ्या इराणच्या नौकेला केले लक्ष्य

अमेरिकेने या हल्ल्याची अधिकृत पुष्टी केली असून अमेरिकन पाणबुडीनेच ही कारवाई केल्याचे स्पष्ट केले आहे. गाले शहरापासून सुमारे 40 नॉटिकल मैल म्हणजेच 75 किलोमीटर अंतरावर हा हल्ला झाला. विशाखापट्टणम येथील नौदल सराव आटोपून मायदेशी परतणाऱ्या इराणच्या नौकेला अशा प्रकारे लक्ष्य केल्यामुळे हिंदी महासागरातील सुरक्षिततेचा प्रश्न आता गंभीर बनला आहे. इराणच्या नौदलासाठी हा मोठा धक्का मानला जात असून, या घटनेमुळे आखाती देशांमधील तणाव आता थेट दक्षिण आशियाई समुद्री क्षेत्रापर्यंत विस्तारला आहे.

या हल्ल्यामुळे भारत आणि श्रीलंका या दोन्ही देशांच्या सागरी सीमांजवळ युद्धाची परिस्थिती निर्माण झाली आहे. श्रीलंकेच्या संरक्षण विभागाने दिलेल्या माहितीनुसार, ज्या ठिकाणी ही घटना घडली तिथे मदतकार्य अद्याप सुरू असून मृतांचा आकडा वाढण्याची भीती व्यक्त केली जात आहे. अमेरिकेने थेट भारताच्या शेजारील देशाच्या हद्दीत ही कारवाई केल्यामुळे आंतरराष्ट्रीय राजकारणात याचे पडसाद उमटायला सुरुवात झाली आहे. या घटनेनंतर हिंदी महासागरातील टेहळणी वाढवण्यात आली असून, आगामी काळात अमेरिका आणि इराणमधील संघर्ष अधिक तीव्र होण्याची शक्यता वर्तवण्यात येत आहे.

इतर महत्त्वाच्या बातम्या

निलेश घायवळला कानशि‍लात लगावणाऱ्या कुख्यात गुंडावर गोळीबार, सागर मोहळकरवर सात राऊंड फायर