भाजप नेत्याचं घाणेरडं कृत्य, अल्पवयीन मुलीसोबतचा अश्लील VIDEO व्हायरल; प्रदेशाध्यक्ष चिडले अन्!

हा अश्लील व्हिडिओ व्हायरल होताच, विद्यमान जिल्हाध्यक्ष कन्हैया पासवान यांनी उत्तर प्रदेशच्या प्रदेशाध्यक्षांना या प्रकरणाची माहिती दिली, त्यानंतर प्रदेशाध्यक्ष भूपेंद्र चौधरी यांनी पक्षाचे गोरखपूर प्रदेशाध्यक्ष सहजानंद राय यांच्याशी चर्चा केली आणि सिद्धार्थ नगर जिल्ह्याचे जिल्हा उपाध्यक्ष गौरी शंकर अग्रहरी यांची तात्काळ पक्षातून हकालपट्टी करण्यात आली.

भाजप नेत्याचा अश्लील व्हिडिओ व्हायरल झाल्याने एकच खळबळ

भाजप  नेते आणि माजी जिल्हा उपाध्यक्ष गौरी शंकर अग्रहारी यांचा रविवारी सोशल मीडियावर एक अश्लील व्हिडिओ व्हायरल झाला. या व्हिडिओने पक्षात एकच खळबळ उडाली. व्हिडिओमध्ये गौरी शंकर अग्रहारी एका अल्पवयीन मुलीसोबत अश्लील कृत्य करत होते. गौरी शंकर अग्रहारी हे 56 वर्षांचे आहेत. त्यांचा हा व्हिडिओ पाहून सर्वांनाच धक्का बसला.

या प्रकरणाची माहिती आणि व्हिडिओ भाजप जिल्हाध्यक्ष कन्हैया पासवान यांच्यापर्यंत पोहोचताच, ही बाब भाजप प्रदेशाध्यक्षांकडे तक्रार करण्यात आली. प्रदेशाध्यक्षांनी प्रदेशाध्यक्ष गोरखपूर सहजानंद राय यांच्याशी बोलून माजी जिल्हा उपाध्यक्ष गौरी शंकर अग्रहरी यांना तात्काळ पक्षातून काढून टाकले.

पोलिसांनी काय म्हटले?

या प्रकरणाबाबत बन्सी सर्कलचे सीओ मयंक द्विवेदी म्हणाले की, या प्रकरणाबाबत अद्याप कोणतीही तक्रार आलेली नाही. कोणतीही तक्रार येताच तक्रारीच्या आधारे गुन्हा दाखल केला जाईल आणि या प्रकरणात कारवाई केली जाईल.

सध्या हा अश्लील व्हिडिओ परिसरात चर्चेचा विषय बनला आहे. या घटनेने परिसरातील राजकारणही हादरले आहे. विरोधी राजकीय पक्ष यावरून भाजपवर हल्ला चढवत आहेत.