आधी पवार आता ठाकरेंची साथ सोडली, कोण आहेत सचिन अहिर? आदित्य ठाकरेंची वाट बिकट होणार?

हेही वाचा : 'तुझ्यासारखे हजार नवरे करु शकते..' प्रेग्नंट बायको अन् नवऱ्याचा वाद, पुढं काय घडलं?

सचिन अहिर कोण आहेत? 

सचिन अहिर कामगारांचे नेते म्हणून ओळखले जायचे. 1999 मध्ये शिवडीतून पहिल्यांदा आमदार म्हणून ते निवडून आले. त्यानंतर 2004 मध्ये ते याच मतदारसंघातून दुसऱ्यांदा आमदार झाले. यानंतर 2009 मध्ये वरळी विधानसभा मतदारसंघातून आमदार झाले होतं. दरम्यान, यानंतर त्यांच्यावर गृहनिर्माण राज्यमंत्रिपदाची जबाबदारी सोपवण्यात आली होती. दरम्यान, 2019 च्या विधानसभा निवडणुकीपूर्वी काँग्रेस आणि राष्ट्रवादीच्या अनेक नेत्यांनी पक्ष सोडला. राष्ट्रवादीला या निवडणुकीपूर्वी मातब्बर नेते सोडून गेले होते. यामध्ये सचिन अहिर यांचाही समावेश होता. आदित्य ठाकरेंच्या उपस्थितीत सचिन अहिर शिवबंधन बांधलं होतं. मात्र, आता बरोबर 7 वर्षांनी अहिर यांनी त्यांची साथ सोडलीये. 

हेही वाचा : 'पीएम मोदी अन् त्यांचं मंत्रिमंडळ अवाक्षर...', राम मंदिरातील अपहारावरुन ठाकरेंची पोस्ट   

दरम्यान, राष्ट्रवादीतून आल्यानंतर सचिन अहिर यांना शिवसेनेने विधानपरिषदेची संधी दिली होती. त्यांना विधानपरिषदेवर संधी दिल्याने आदित्य ठाकरेंच्या मतदारसंघातील अडचणी कमी होणार होत्या. कारण सचिन अहिर हे आदित्य ठाकरेंना साथ देणार होते. दरम्यान, आता सचिन अहिर शिंदेसेनेत गेल्यानंतर आदित्य ठाकरेंच्या मतदारसंघातील अडचणी काही प्रमाणात वाढू शकतात. 

सचिन अहिर यांनी दुसऱ्यांदा बदलला पक्ष

सचिन अहिर यांनी पक्ष बदलण्याची ही दुसरी वेळ आहे. यापूर्वी शरद पवारांसाठी महाराष्ट्राच्या राजकारणात अडचणीचा काळ असताना सचिन अहिर यांनी पक्ष सोडला होता. आताही उद्धव ठाकरेंसाठी राजकारण बिकट परिस्थिती असताना त्यांचीही साथ अहिर यांनी सोडलीये. सचिन अहिर यांच्या माध्यमातून एकनाथ शिंदेंनी त्यांचं ऑपरेशन टायगर सुरुच असल्याचे संकेत दिले आहेत.