देशात Taliban ची सत्ता, T-20 World Cup मध्ये सहभागी होणार अफगाणिस्तानचा संघ

अफगाणिस्तानच्या संघाचे मीडिया मॅनेजर हिकमत हसन यांनी ANI शी बोलत असताना संघाच्या सहभागाबद्दल माहिती दिली आहे.

अफगाणिस्तान-वेस्ट इंडिज आणि ऑस्ट्रेलिया यांच्यातली तिरंगी मालिका युएईत होणार होती. परंतू आयपीएलचे उर्वरित सामने युएईत खेळवण्यात येणार असल्यामुळे आता ही तिरंगी मालिका श्रीलंकेत खेळवली जाणार आहे. याचसोबत १ ते ५ सप्टेंबरदरम्यान अफगाणिस्तान आणि पाकिस्तान यांच्यातली नियोजीत मालिकाही वेळापत्रकानुसार खेळवली जाईल असं संघाच्या मीडिया मॅनेजरने स्पष्ट केलंय.

सध्याच्या बिघडलेल्या वातावरणात क्रिकेट बोर्ड आपल्या खेळाडूंना सर्वोतोपरीने मदत करण्यासाठी कटीबद्ध आहे. काबूलमध्ये परिस्थिती अजून नियंत्रणात आहे. आम्ही सर्वजण ऑफिसमध्ये आलो आहोत, त्यामुळे काळजी करायचं काही कारण नाही अशी माहिती हकमत हसन यांनी दिली. टी-२० विश्वचषकासाठी अफगाणिस्तानचा समावेश दुसऱ्या गटात करण्यात आला असून त्यांना भारत, पाकिस्तान, न्यूझीलंड आणि आणखी दोन देशांचा सामना करायचा आहे.

Rashid Khan चा परिवार अडकला अफगाणिस्तानात, Taliban चा राजधानी काबुलवर ताबा