IPL ऑक्शनआधी अर्जुन तेंडुलकर चमकला, एका ओव्हरमध्ये मारल्या ५ सिक्स

आयपीएल ऑक्शनसाठी अवघे काही दिवस शिल्लक असताना अर्जुनने आपली चमक दाखवली आहे. MIG क्रिकेट क्लबकडून खेळताना अर्जुन तेंडुलकरने ३१ बॉलमध्ये ७७ रन्स करुन ३ महत्वाच्या विकेट्सही घेतल्या. आपल्या इनिंगमध्ये अर्जुनने ५ फोर आणि ८ सिक्स लगावल्या. यातल्या ५ सिक्स या एकाच ओव्हरमध्ये लगावल्या. अर्जुन आणि संघातील इतर प्लेअर्सनी केलेल्या धडाकेबाज कामगिरीच्या जोरावर MIG Cricket Club ने ३८५ रन्सपर्यंत मजल मारली.

प्रत्युत्तरादाखल इस्लाम जिमखान्याचा संघ १९१ रन्सपर्यंत मजल मारु शकला. अर्जुननेही ३ विकेट्स घेऊन आपल्या संघाच्या विजयाच मोलाची भूमिका बजावली. त्यामुळे अर्जुनच्या या कामगिरीचा आयपीएल ऑक्शनसाठी त्याला फायदाच होणार आहे. आयपीएल २०२१ चं आयोजन बीसीसीआय भारतामध्येच करण्याच्या तयारीत आहे.