सतत मास्क घालून वावरणं अशक्य! Corona positive पंतची सौरव गांगुलीकडून पाठराखण

परंतू बीसीसीआय अध्यक्ष सौरव गांगुलीने ऋषभ पंतची पाठराखण केली आहे. “सतत मास्क घालून वावरणं हे शक्य होणार नाही. आपण सर्वांनी युरो कप आणि विम्बल्डनचे सामने पाहिले. गर्दीच्या बाबतीत या स्पर्धांमध्येही नियम बदलण्यात आले. भारतीय खेळाडू हे सुट्टीवर होते. त्यामुळे बाहेर असताना सतत मास्क घालून वावरणं शक्य होत नाही”, अशा शब्दांमध्ये सौरव गांगुलीने पंतची पाठराखण केली.

सुट्टीदरम्यान ऋषभ पंत युरो कप स्पर्धेत इंग्लंड विरुद्ध जर्मनी सामना पाहण्यासाठी Wembley Stadium मध्ये गेला होता. यावेळी आपल्या मित्रांसोबत सामना पाहतानाचे फोटो त्याने इन्स्टाग्रामवर शेअर केले होते. ऋषभ पंतला कोरोनाची लागण झाल्यानंतर त्याच्या संपर्कात आलेले बॉलिंग कोच भारत अरुण, वृद्धीमान साहा आणि अभिमन्यु इश्वरन यांनी स्वतःला आयसोलेट केलं आहे. टीम इंडिया Durham मध्ये तीन दिवसांचा सराव सामना खेळणार आहे. या सामन्यासाठी पंत आणि इतर सदस्य सहभागी होऊ शकणार नाहीयेत.