हे ही वाचा : क्रीडा विश्वावर शोककळा, सामना सुरु असतानाच अंपायरचा दुर्दैवी अंत, अनेक खेळाडू जखमी

सामना सुरु असतानाच मधमाशांचा हल्ला 

बुधवारी वायएमसीसी आणि पॅरामाउंट क्लब यांच्यात लीग सामना सुरु होता. सामना सुरु असताना अचानक मधमाश्यांच्या एका मोठ्या थव्याने खेळाडू आणि पंचांवर हल्ला चढवला. यावेळी अंपायर मानिक गुप्ता यांनी स्वतःचा बचाव करण्याचा प्रयत्न केला, मात्र मधमाश्यांनी त्यांना चहूबाजूंनी घेरले आणि शरीराच्या विविध भागांवर डंख मारण्यास सुरुवात केली. हा हल्ला इतका भीषण होता की, काही वेळातच गुप्ता मैदानात बेशुद्ध होऊन पडले.

रुग्णालयात पोहोचण्यापूर्वीच मृत्यू

मैदानातील उपस्थित सदस्यांनी त्यांना तातडीने स्थानिक रुग्णालात नेले. मात्र त्या ठिकाणी उपचार न झाल्याने त्यांना कानपूर मेडिकल कॉलेज आणि नंतर कार्डिओलॉजी विभागात हलवण्यात आले. मात्र, रुग्णालयात पोहोचण्यापूर्वीच त्यांची प्राणज्योत मालवली होती. डॉक्टरांनी त्यांना मृत घोषित केले. मानिक गुप्ता हे कानपूरच्या परेड खान परिसरातील रहिवासी होते आणि केसीए पॅनलमधील एक अत्यंत सन्मानित आणि अनुभवी पंच म्हणून ओळखले जात होते.

हे ही वाचा : मुलगा ऑस्ट्रेलियात स्थायिक अन् इकडे 99 वर्षीय आईचा खून, दूधवाल्याच्या एका कॉलमुळे उलगडलं हत्याकांड

नेमका मृत्यू कशामुळे?

वैद्यकीय तज्ज्ञांच्या मते, मधमाश्यांच्या डंखात एलर्जन मेथो नाईक ॲसिड मोठ्या प्रमाणात असते. यामुळे पीडित व्यक्तीचा रक्तदाब आणि हृदयाचे ठोके अचानक वाढतात. यामुळे  शरीरावर सूज आणि लालसरपणा येतो. याच कारणामुळे गुप्ता यांना हृदयविकाराचा झटका आला आणि त्यात त्यांचा मृत्यू झाल्याचा अंदाज डॉक्टरांनी व्यक्त केला आहे. कानपूर क्रिकेट असोसिएशनचे अध्यक्ष संजय कपूर यांनी या घटनेबद्दल तीव्र दुःख व्यक्त केले असून, गुप्ता यांच्या कुटुंबीयांना सर्वतोपरी मदत करण्याचे आश्वासन दिले आहे.