पैसा-पाणी: बॉन्ड बाजाराच्या दबावामुळे माघार, डोनाल्ड ट्रम्प यांनी म्हणून घेतला यू-टर्न?
Donald Trump Tariff: अमेरिकेचे अध्यक्ष डोनाल्ड ट्रम्प यांनी आपल्या टॅरिफच्या निर्णयावर एकदम युटर्न का घेतला? आता पुढे काय होऊ शकतं. जाणून घ्या सविस्तर.
ADVERTISEMENT
बातम्या हायलाइट
अमेरिकेला टॅरिफ धोरणाला का द्यावी लागली स्थगिती?
डोनाल्ड ट्रम्प यांच्यावर नेमका कोणाचा दबाव?
ट्रम्प यांना अचानक माघार का घ्यावी लागली?
नवी दिल्ली: बुधवारी सकाळी 9 वाजता डोनाल्ड ट्रम्प यांनी सोशल मीडियावर पोस्ट केलं – “It’s time to buy the dip.” म्हणजेच शेअर मार्केट पडलेलं असतानाही शेअर्स खरेदी करण्याची संधी आहे. मात्र दुपारी 2 वाजता त्यांनी आपली भूमिका बदलली. चीन वगळता इतर देशांवर लावण्यात आलेल्या अतिरिक्त टॅरिफवर 90 दिवसांची स्थगिती जाहीर केली.
चला समजून घेऊया, ट्रम्प यांना अचानक माघार का घ्यावी लागली?
बॉन्ड म्हणजे काय?
सरकारचं उत्पन्न अनेकदा खर्चाच्या तुलनेत कमी असतं. ही तफावत भरून काढण्यासाठी सरकार बाजारातून कर्ज घेतं. हे कर्ज उचलण्यासाठी सरकार बॉन्ड्स जारी करतं. हे बॉन्ड दीर्घकालीन असतात. सहसा 10 वर्षं किंवा त्याहून अधिक कालावधीसाठी. या बॉन्डवर सरकार ठराविक व्याज दराने पैसे परत करतं.
अमेरिकेचे सरकारी बॉन्ड जगातले सर्वात सुरक्षित मानले जातात. भारत, चीन, जपानसारख्या देशांचं सरकारही यामध्ये गुंतवणूक करतं.
शेअर आणि बॉन्ड बाजाराचं नातं
सामान्यतः जेव्हा शेअर बाजार खाली जातो, तेव्हा गुंतवणूकदार बॉन्डमध्ये पैसे गुंतवतात. बॉन्डमध्ये स्थिर आणि कमी जोखमीचा परतावा मिळतो. सध्या सुमारे 4% दराने परतावा मिळत आहे.
हे वाचलं का?
