पैसा-पाणी: तुमची SIP सुरू ठेवा... कारण तुम्हीच आहात बाजाराचे खरे Hero!
काही महिन्यांपूर्वीच भारतीय शेअर बाजारात ऐतिहासिक विक्री झाली. पण असं असूनही शेअर बाजारात केवळ 2 ते 3 टक्क्यांची घसरण झाली. जी गोष्ट खरोखर आश्चर्यचकीत करणारी आहे. पण हे नेमकं झालं कशामुळे?
ADVERTISEMENT
बातम्या हायलाइट
भारताचा ‘आत्मनिर्भर’ शेअर बाजार!
87 हजार कोटींची विक्री आणि तरीही बाजार फक्त 2% घसरण?
कोणामुळे भारतीय शेअर बाजारा सावरला?
2008 साली अमेरिकन आर्थिक संकट आलं तेव्हा FII — म्हणजे परदेशी गुंतवणूकदार. यांनी 16 हजार कोटींच्या शेअर्स विकले होते आणि शेअर बाजार तब्बल 25 टक्क्यांनी घसरला होता. पण यावर्षी जानेवारीत त्यांनी याच्या पाच पट म्हणजे तब्बल 87 हजार कोटी शेअर्सची विक्री केली, तरी बाजार फक्त 2 ते 3 टक्केच खाली आला. शेअर बाजारात एवढी मोठी विक्री झाली तरी बाजारात इतकी कमी घसरण का झाली, आता नेमकं काय बदललं?
तर उत्तर आहे – तुमची SIP.
SIP ने भारताच शेअर मार्केट तारलं!
हो, दर महिन्याला हजार-दोन हजाराच्या SIP ने काय फरक पडतो असं आपल्याला वाटतं. पण देशभरात लाखो गुंतवणूकदार हेच करत आहेत. त्यांचा देखील असाच विचार असतो. त्यामुळे म्युच्युअल फंडांसारखे DII — म्हणजेच देशांतर्गत गुंतवणूकदार. हे आता FII पेक्षा जास्त शेअर्सचे मालक झाले आहेत.
मार्च 2025 पर्यंतच्या आकड्यानुसार, NSE वर लिस्ट असलेल्या शेअर्सपैकी 17.6% DII च्या हातात आहेत, आणि FII च्या फक्त 17.2 टक्के. 2010 मध्ये हेच प्रमाण होतं — FII 14%, DII 11%. आता गणित उलटं झालं आहे.
एप्रिलअखेरपर्यंत FII ने 1.12 लाख कोटींची विक्री केली आहे, तरी Nifty 2% वर आहे. कारण – SIP. दरमहा नियमितपणे येणारा पैसा.
म्हणून असं नाही की FII आता आपल्याला नकोच. FII आले की, बाजारात पैसे येतो, मागणी वाढते, शेअरचे भाव चढतात. गेल्या काही महिन्यांपासून त्यांच्या विक्रीमुळे बाजार काहीसा दबावात होता.
शेअर बाजार कसा होतोय आत्मनिर्भर?
पण आता चित्र बदलतं आहे. एप्रिलमध्ये त्यांनी 4000 कोटींची खरेदी केली आहे. पहिल्या पंधरवड्यात विक्री होती, पण शेवटच्या पंधरवड्यात त्यांनी चांगली खरेदी केली. त्यांनाही कळायला लागलं की, जग व्यापार युद्धात अडकलंय, तेव्हा भारत मात्र स्थिर आहे.
भारतातली अर्थव्यवस्था ही देशांतर्गत मागणीवर चालते. आणि आता शेअर बाजारही तसाच चालू लागला आहे. हे शक्य झालं ते तुमच्या SIP मुळे.
शेअर बाजार आता ‘आत्मनिर्भर’ होतोय!
'पैसा-पाणी' या विशेष सदरातील इतर महत्त्वाचे ब्लॉग वाचा
1. पैसा-पाणी: एलॉन मस्कची डोकेदुखी वाढली... Tesla च्या नफ्यात घट, ट्रम्प यांच्यासाठी काम करणं पडलं महागात!
2. पैसा-पाणी: UPI वारंवार का होतं डाऊन?, पैसा हेच कारण!
3. पैसा-पाणी: बॉन्ड बाजाराच्या दबावामुळे माघार, डोनाल्ड ट्रम्प यांनी म्हणून घेतला यू-टर्न?
4. पैसा-पाणी : संकटात संधी! ट्रंप यांच्या टॅरिफ धोरणामुळे भारतासाठी नवे दरवाजे उघडण्याची शक्यता
5. पैसा-पाणी: भारतीयांना सोन्याचं व्यसन, सरकारने मानली हार.. 3 मोठ्या योजना अपयशी!
हे वाचलं का?
