Personal Finance: रिडेव्हलपमेंटमध्ये ‘हे’ असतात घरमालकांचे हक्क, अजिबात घेऊ नका माघार..
Redevelopment Project: रिडेव्हलपमेंटमध्ये घरमालकांचे अनेक हक्क असतात. त्यामुळे बिल्डरसोबत करार करण्यापूर्वी जाणून घ्या महत्त्वाच्या गोष्टी
ADVERTISEMENT
Personal Finance tips for Redevelopment Project: मुंबई, ठाणे, पुणे आणि इतर शहरांमध्ये जुन्या इमारतींच्या रिडेव्हलपमेंटचा वेग वाढत आहे. अनेक गृहनिर्माण संस्था आणि रहिवासी नव्या, सुरक्षित आणि अधिक सुविधा असलेल्या घरांच्या आशेने रिडेव्हलपमेंटचा मार्ग स्वीकारत आहेत. मात्र या प्रक्रियेत घरमालकांनी आपले कायदेशीर हक्क जाणून घेणे अत्यंत महत्त्वाचे असते. अनेक वेळा माहितीअभावी रहिवाशांना आर्थिक किंवा कायदेशीर अडचणींना सामोरे जावे लागते.
तज्ज्ञांच्या मते, रिडेव्हलपमेंटमध्ये घरमालकांचे अनेक महत्त्वाचे हक्क असतात आणि त्यांची माहिती असणे आवश्यक आहे.
रिडेव्हलपमेंट म्हणजे काय?
जुन्या किंवा धोकादायक झालेल्या इमारती पाडून त्याच जागेवर नवीन इमारत उभारण्याच्या प्रक्रियेला रिडेव्हलपमेंट म्हटले जाते. या प्रक्रियेत विकासक (डेव्हलपर) जुन्या रहिवाशांना नव्या इमारतीत मोठे किंवा सुधारित घर देतो. तसेच बांधकाम पूर्ण होईपर्यंत भाडे किंवा पर्यायी निवासाची सुविधाही दिली जाते.