Personal Finance: जमीन गुंठ्यात कशी मोजायची? गुंठेवारी न पाहता जमीन खरेदीचा विचारही नको!
Land Purchase Guide: जमीन खरेदी करण्यापूर्वी गुंठेवारी, 7/12 उतारा, फेरफार, मोजणी, झोनिंग, एनए परवानगी आणि मालकी हक्काची पडताळणी करणे अत्यंत महत्त्वाचे आहे.
ADVERTISEMENT
Personal Finance (प्रातिनिधिक फोटो, सौजन्य: चॅटजीपीटी)
Land Purchase: आजच्या काळात जमीन ही सर्वाधिक सुरक्षित आणि दीर्घकालीन गुंतवणूक मानली जाते. मात्र, योग्य पडताळणी न करता जमीन खरेदी केल्यास लाखो रुपयांचे नुकसान होऊ शकते. विशेषतः ग्रामीण आणि शहरालगतच्या भागांमध्ये गुंठेवारी, अनधिकृत प्लॉटिंग आणि बनावट कागदपत्रांच्या आधारे फसवणुकीची अनेक प्रकरणे समोर येतात.
त्यामुळे जमीन खरेदी करण्यापूर्वी संबंधित जमिनीची गुंठेवारी, मालकी हक्क, सरकारी नोंदी आणि विकासासंबंधी माहिती तपासणे अत्यंत आवश्यक आहे.
गुंठेवारी म्हणजे नेमकं काय?
गुंठा हे जमिनीचे क्षेत्रफळ मोजण्याचे एक पारंपरिक एकक आहे. महाराष्ट्रात शेती आणि निवासी जमिनींच्या व्यवहारात गुंठा हा शब्द मोठ्या प्रमाणावर वापरला जातो.
- 1 गुंठा = 1,089 चौरस फूट
- 40 गुंठे = 1 एकर
जमीन खरेदी करताना विक्रेता सांगत असलेले क्षेत्रफळ आणि सरकारी नोंदीतील क्षेत्रफळ जुळते का, याची खात्री करणे अत्यंत गरजेचे आहे.
