Personal Finance: मार्केटमध्ये उलथापालथ चालू असताना SIP सुरू ठेवावी की बंद करावी?
युद्धजन्य परिस्थितीमुळे जगभरात अस्थिरतेचे वातावरण आहे. ज्याचा परिणाम आर्थिकदृष्ट्या देखील होतो. अशावेळी SIP सारख्या योजनेत पैसे गुंतवावे की नाही असा प्रश्न अनेकांना पडतो. जाणून घेऊयात याविषयी सविस्तरपणे.
ADVERTISEMENT
मुंबई: शेअर बाजारात गेल्या काही आठवड्यांपासून सातत्याने घसरण आणि अस्थिरता पाहायला मिळत आहे. पश्चिम आशियातील (इराण-इस्त्राईल-यूएस) युद्ध, कच्च्या तेलाच्या किंमतीतील वाढ आणि विदेशी संस्थागत गुंतवणूकदारांच्या (FII) विक्रीमुळे निफ्टी आणि सेन्सेक्सने मोठी घसरण अनुभवली आहे. मार्च महिन्यात बाजाराने ९ टक्क्यांहून अधिक सुधारणा गमावली होती. यामुळे अनेक गुंतवणूकदारांच्या मनात एकच प्रश्न घोळत आहे की, SIP (Systematic Investment Plan) मधील गुंतवणूक काढावी की राहू द्यावी?
सध्याची परिस्थिती पाहता SIP चे अल्पकालीन परतावे नकारात्मक झाले आहेत. काही गुंतवणूकदारांनी SIP थांबवण्याचा किंवा रिडीम करण्याचा विचार सुरू केला आहे. मात्र, आर्थिक तज्ज्ञ आणि बाजार विश्लेषकांचा एकमताचा सल्ला आहे. घाबरून SIP काढू किंवा थांबवू नका. उलट, ही संधी समजून गुंतवणूक सुरू ठेवा.
सध्याची बाजार परिस्थिती काय आहे?
- निफ्टी आणि सेन्सेक्स: २ एप्रिल २०२६ रोजी निफ्टी २२,७१३ वर बंद झाला (०.१५% वाढ), तर सेन्सेक्स ७३,३१९ वर स्थिरावला (०.२५% वाढ). मात्र, फेब्रुवारी-मार्चमध्ये बाजाराने २२,०००-२३,००० च्या आसपास मोठी घसरण पाहिली. युद्धाच्या भीतीमुळे कच्च्या तेलाची किंमतीही प्रचंड वाढल्या.