Sangli: मामीने मांत्रिकाकडे नेलं, भाच्याचा जीवच गेला; असं घडलं तरी काय?
Sangli Crimne: सांगलीतील एका 14 वर्षीय मुलाला एका मांत्रिकामुळे जीव गमवावा लागल्याची धक्कादायक घटना घडली आहे. याप्रकरणी आरोपी मांत्रिकाविरोधात आता पोलिसात गुन्हा दाखल करण्यात आला आहे.
ADVERTISEMENT
Sangli superstition Crime: प्रबोधिनी चिखलीकर, सांगली: सांगली (Sangli) जिल्ह्यात अंधश्रद्धेच्या (superstition) घटनांमध्ये दिवसेंदिवस वाढ होत असल्याचं सध्या पाहायला मिळत आहे. अनेक जण हे बुवाबाजीच्या नादाने अगदी निष्पाप मुलाच्या जीवावर उठले असल्याच्या देखील खळबळजनक घटना समोर आल्या आहेत. अशीच घटना आता सांगली जिल्ह्यातील कवठेमहांकाळ तालुक्यातील इरळी या गावात घडली आहे. ज्यामुळे संपूर्ण गावात सध्या भीतीचं वातावरण आहे. (innocent 14 year old boy dies after being beaten up by a exorcist a shocking incident in sangli)
भूत झपाटल्याचं म्हणत मांत्रिकाची मुलाला बेदम मारहाण
मिळालेल्या माहितीनुसार, अंधश्रद्धेपायी आर्यन दीपक लांडगे (वय 14 वर्ष) या मुलाला अत्यंत दुर्दैवीपणे आपला जीव गमवावा लागला आहे. आर्यनला मागील काही दिवसांपासून सतत ताप येत होता. त्यामुळे तो तापाच्या ग्लानीत सतत बडबडत होता. काही केल्या आर्यनचा ताप कमी होत होता. त्यामुळे आर्यनच्या मामीने त्याला तिच्या वडिलांने नेलं. जे स्वत: मांत्रिक असल्याची सांगायचे.
कर्नाटकातील कुडची जवळील शिरगूर यागावी तिचे वडील आप्पासाहेब कांबळे हे राहतात. ते भूतबाधा, करणी काढणे हा सगळा प्रकार करतात. त्यांनीच आर्यनला भूतबाधा झाली असून ती काढावी लागेल असे सांगितले होते. त्यामुळेच मामीने आर्यनला शिरगूर येथे नेलं. यावेळी भूतबाधा काढण्याच्या नावाखाली त्यांनी आर्यनला अत्यंत अमानुषपणे मारहाण केली.
हे वाचलं का?
ADVERTISEMENT
हे ही वाचा >> Hingoli Crime: वडिलांचे हात-पाय बांधले अन् नराधमाने आईवरच केला बलात्कार
आप्पासाहेब कांबळेंनी केलेल्या या मारहाणीत आर्यन हा गंभीर जखमी झाला. त्यामुळे त्यांनी तिथून त्याच्या आईला तात्काळ फोन केला. यावेळी आर्यनने रडतरडत आपल्या मारहाण झाली असून इथून घेऊन जा असं सांगितले. मुलाने केलेल्या फोननंतर त्याच्या आईने लागलीच आर्यनला शिरगूरवरून परत आणलं.
14 वर्षीय मुलाचा गेला हकनाक बळी
मारहाणीमुळे आर्यनची स्थिती अत्यंत गंभीर झाली होती. त्यामुळे त्याची अवस्था पाहून त्याला मिरज सिव्हिल हॉस्पिटलमध्ये दाखल करण्यात आलं. पण आर्यनला झालेली मारहाण ही एवढी गंभीर होती की, त्याचा त्याच्या प्रकृतीवर गंभीर परिणाम झाला. रुग्णालयात उपचार सुरू असताना देखील आर्यनच्या तब्येतीत सुधारणा झाली नाही.
ADVERTISEMENT
अखेर 20 मे रोजी आर्यनचा उपचारादरम्यानच दुर्दैवी मृत्यू झाला. यावेळी आर्यनच्या शरीरावर अमानुष मारहाणीच्या खुणा देखील दिसत होत्या. मांत्रिकाने केलेल्या या मारहाणीमुळेच आर्यनचा मृत्यू झाल्याचे स्पष्ट झालं आहे.
ADVERTISEMENT
हे ही वाचा >> James Marape : PM मोदींच्या पाया पडणारे पापुआचे PM अत्यंत चालाख, विरोधकांचा करेक्ट कार्यक्रमच करतात!
दरम्यान, हा सर्व प्रकार समजताच मांत्रिक आप्पासाहेब कांबळे हा फरार झाला आहे. 14 वर्षीय शाळकरी मुलगा असलेल्या आर्यनचा असा मृत्यू झाल्याचे पाहून सांगलीच्या अंनिस शाखेच्या कार्यकर्त्यांनी कवठेमहांकाळ पोलीस ठाण्यात धाव घेतली व संबंधित व्यक्ती व मांत्रिकावर कवठेमहांकाळ पोलीस ठाण्यात गुन्हा दाखल केला आहे.
पण ही घटना कर्नाटकातीळ कुडची पोलीस ठाण्याच्या हद्दीतील शिरगूर या गावी घडली असल्याने हा गुन्हा कुडची पोलीस ठाण्याकडे वर्ग करण्यात येणार आहे. आरोपी मांत्रिकाला तात्काळ अटक करून त्याच्यावर कठोरात कठोर कारवाई करण्यात यावी अशी मागणी ही अंनिसकडून केली जात आहे.
ADVERTISEMENT