राज्यातील ९ पोलीस अधिकाऱ्यांच्या बदल्यांना २४ तासात स्थगिती का?

पोलीस अधिकाऱ्यांच्या बदल्यांवरून महाविकास आघाडी सरकारमध्ये वाद रंगला होता. त्याच वादाची आठवण आता शिंदे-फडणवीस सरकारमध्येही झाली आहे. याचं महत्त्वाचं कारण आहे ते म्हणजे ९ पोलीस अधिकाऱ्यांच्या बदल्यांना २४ तासांमध्ये स्थगिती देण्यात आली. त्यानंतर १२ तासात ९ अधिकाऱ्यांना पोस्टिंगही देण्यात आलं. गृहविभागाने केलेल्या बदल्यांना पोलीस महासंचालकांनी स्थगिती दिली आहे. त्यामुळे यामागे नेमकं कारण आहे तरी काय? ही चर्चा आता सुरू झाली आहे.