मुंबई : फोनमध्ये व्यस्त, वेगाने कार चालवली, रस्ता ओलांडणाऱ्या 8 वर्षीय मुलाला चिरडलं

हेही वाचा : Personal Finance: तुमच्या नावावर कुठे-कुठे आहे पैसा? एका दिवसात 'असा' शोधा सगळा पैसा!

रस्ता ओलांडण्याच्या प्रयत्नात असलेल्या मुलाला धडक  

मिळालेल्या माहितीनुसार, रविवारी दुपारी सुमारे 2.15 वाजता मेघा रावल या जॉन बॅप्टिस्ट रोडवरून इनोव्हा क्रिस्टा चालवत होत्या. त्या पोषणतज्ज्ञ आहेत. रस्ता ओलांडण्याचा प्रयत्न करणाऱ्या आठ वर्षांच्या मुलाला त्यांच्या कारने धडक दिली. अपघाताच्या वेळी रावल फोनवरील संभाषणामुळे विचलित झाल्या होत्या आणि कारचा वेगही जास्त असल्याचे सांगण्यात आले आहे.

हेही वाचा : Maharashtra Weather : राज्यात पाऊस मंदावला, पण 'या' विभागातील जिल्ह्यांना यलो अलर्ट

बेदरकारपणे कार चालवणाऱ्या महिलेला अटक 

कारची धडक बसल्यानंतर मुलाला गंभीर दुखापत झाली. अपघातानंतर घटनास्थळी उपस्थित असलेल्या नागरिकांनी तातडीने मुलाला जवळच्या होली फॅमिली हॉस्पिटलमध्ये नेले. विशेष म्हणजे, ज्या कारने मुलाला धडक दिली त्याच कारमधून त्याला रुग्णालयात नेण्यात आले. मात्र, रुग्णालयात पोहोचल्यानंतर डॉक्टरांनी मुलाला मृत घोषित केले.

या घटनेनंतर पोलिसांनी मेघा रावल यांना अटक केली. अपघात नेमका कोणत्या परिस्थितीत झाला, तसेच कारचा वेग आणि फोनवरील संभाषणामुळे चालकाचे लक्ष विचलित झाले होते का, याचा तपास पोलिसांकडून करण्यात येत आहे. जॉन बॅप्टिस्ट रोडवर घडलेल्या या अपघाताच्या पार्श्वभूमीवर पोलिस सध्या घटनेशी संबंधित परिस्थितीची चौकशी करत आहेत.