पुणे : भुयारी मार्ग, उच्चभ्रू महिलांशी शारीरिक संबंध, कंडोम्स अन् गोळ्या

Pune Metro :  पुण्यातील वाघोली परिसरातील एका आश्रमातील बाबाविरोधात गंभीर आरोप झाल्यानंतर हे प्रकरण चर्चेत आले आहे. तक्रारदार महिलेने दाखल केलेल्या एफआयआरमध्ये नमूद केल्याप्रमाणे, या प्रकरणाची सुरुवात सुमारे 2000 सालापासून झाली. महिलेचे आई-वडील हरियाणातील एका धार्मिक कार्यक्रमाच्या निमित्ताने संबंधित बाबांच्या संपर्कात आले होते. त्यानंतर कुटुंबाची त्या बाबांवर श्रद्धा निर्माण झाली आणि त्यांचे आश्रमात नियमित येणे-जाणे सुरू झाले. तक्रारीनुसार, संबंधित बाबा राधामोहन मिश्रा यांनी कुटुंबाशी जवळीक वाढवत महिलेवर प्रभाव टाकण्यास सुरुवात केली. शिक्षणासाठी बाहेर गेलेल्या महिलेची आश्रमात वारंवार उपस्थिती राहावी यासाठी तिच्या वडिलांमार्फत संपर्क साधला जात असल्याचेही तिने म्हटले आहे. पुढे खाजगी भेटींच्या माध्यमातून तिच्या वैयक्तिक आयुष्याबाबत प्रश्न विचारले जात होते तसेच तिच्यावर मानसिक दबाव टाकला जात असल्याचा आरोप तक्रारीत करण्यात आला आहे.