Nanded: रुग्णालय परिसरात डुक्करांनी घेतला तरुणाचा जीव, लचके तोडले अन्…

ADVERTISEMENT

Nanded: रुग्णालय परिसरात डुक्करांनी घेतला तरुणाचा जीव, लचके तोडले अन्...
Nanded: रुग्णालय परिसरात डुक्करांनी घेतला तरुणाचा जीव, लचके तोडले अन्...
social share
google news

Men died in an attack by pigs: कुवरचंद मंडले, नांदेड: नांदेडमध्ये (Nanded) 24 तासात नवजात बालकांसह 24 जणांचा मृत्यू झाल्याने शासकीय रुग्णालयातील आरोग्य सेवा चव्हाट्यावर आली होती. या घटनेनं संपूर्ण राज्यच हादरलं होतं. अशातच आता पुन्हा एकदा नांदेड जिल्ह्याला हादरवणारी घटना घडली आहे. शासकीय रुग्णालय परिसरात डुक्करांनी एका रुग्णावर हल्ला चढवत त्याच्या शरीराचे लचके तोडून त्याला ठार केल्याची धक्कादायक घटना नुकतीच उघडकीस आली आहे. (a patient died in an attack by pigs in the premises of a government hospital in nanded)

ही मन हेलावून टाकणारी घटना शनिवारी (11 नोव्हेंबर) शासकीय रुग्णालय परिसरात उघडकीस आली आहे. या घटनेने रुग्णालयात आरोग्य सेवेसोबतच तेथील डुकरांच्या होणाऱ्या त्रासाचा प्रश्न ऐरणीवर आला आहे. तुकाराम नागोराव कसबे (वय 35 वर्ष) असं मयत व्यक्तीचं नाव आहे.

नेमकं काय घडलं?

मयत तुकाराम कसबे हा नांदेड शहरालगत असलेल्या धनगरवाडी येथील रहिवासी होता. त्याला काही दिवसांपासून टीबीची लागण झाली होती. त्यामुळे 30 ऑक्टोबर रोजी त्याला त्याच्या नातेवाईकांनी नांदेडच्या शासकीय रुग्णालयात उपचारासाठी दाखल केले होते.

हे वाचलं का?

ADVERTISEMENT

हे ही वाचा>> UBT: ‘…तर आम्ही तुम्हाला दिवसा फाडू’, ठाकरेंचा नेता 

तुकारामच्या तब्येतीत सुधारणा झाल्यानंतर 9 नोव्हेबर रोजी त्याला डिस्चार्ज देण्यात आलं. त्यानंतर तुकाराम याने परभणी येथे मामाच्या घरी जातो म्हणून घरून निघून गेला. पण तो मामाकडे न जाता पुन्हा रुग्णालयात गेला. यावेळी तो दिवसभर रुग्णालय परिसरात फिरत राहिला.

रविवारी रात्री तुकाराम हा शौचालयसाठी रुग्णालय परिसरातील मोकळ्या जागेकडे गेला. पण याचवेळी डुकरांनी अचानक तुकाराम याच्यावर हल्ला केला. डुक्करांनी केलेला हा हल्ला एवढा भयंकर होता की, तुकारामला तिथून पळच काढता आला नाही. यावेळी डुक्करांनी तुकाराम याच्या शरीराचे अक्षरश: लचके तोडले. डुक्करांनी तुकारामचे तोंड आणि पायाचे लचके तोडले. ज्यामुळे या भीषण हल्यात तुकारामचा जागीच मृत्यू झाला.

ADVERTISEMENT

हे ही वाचा>> Murder : फडणवीसांच्या नागपुरात BJP पदाधिकाऱ्याची निर्घृण हत्या, मध्यरात्री ढाब्यावर काय घडलं?

दरम्यान, शनिवारी सकाळी रुग्णाच्या नातेवाईकांना युवकाचा मृतदेह छिन्नविच्छन्न अवस्थेत आढळून आला. ज्यामुळे संपूर्ण परिसरात एकच खळबळ माजली आहे. आता या प्रकरणानंतर स्थानिक प्रशासनवर नागरिक जोरदार टीका करत आहे. कारण याआधी देखील येथील डुक्करांनी काही नागरिकांवर हल्ला चढवला होता. मात्र, आता एका व्यक्तीचा या डुक्करांमुळे मृत्यू झाल्याने आता प्रशासनावर टीकेची झोड उठवली जात आहे.

ADVERTISEMENT

    follow whatsapp

    ADVERTISEMENT