बुलढाणा: महिलेच्या गर्भातील बाळाच्या पोटात दुसरं बाळ... हे घडलं तरी कसं?
बुलढाण्यातील 32 वर्षीय महिलेच्या गर्भात असलेल्या बाळाच्या पोटात आणखी एक बाळ असल्याची अत्यंत दुर्मिळ घटना नुकतीच समोर आली आहे.
ADVERTISEMENT
ज़का खान, बुलढाणा: बुलढाणा सरकारी रुग्णालयात गर्भवती महिलेची सोनोग्राफी ही प्रचंड चर्चेत आली आहे. जेव्हा डॉक्टरांनी सोनोग्राफी बारकाईने तपासली तेव्हा त्यांनाही धक्का बसला, कारण गर्भवती महिलेच्या गर्भाशयात बाळ दिसत होते. तसेच, या बाळाच्या पोटात देखील आणखी एक बाळ दिसत आहे.
बाळाच्या पोटात आणखी एक बाळ, अत्यंत दुर्मिळ घटना
खरं तर, दोन दिवसांपूर्वी, जिल्ह्यातील मोताळा येथील एका गावातील 9 महिन्यांची गर्भवती असलेली महिला (वय 32 वर्षे) ही सरकारी रुग्णालयात पोहोचली. तिथे डॉक्टर प्रसाद अग्रवाल यांनी गर्भवती महिलेची सोनोग्राफी केली. सोनोग्राफी करताना त्यांना त्या महिलेच्या पोटात एक बाळ दिसले आणि त्यासोबतच त्यांना त्याच बाळाच्या पोटात आणखी एक बाळ दिसले.
हे ही वाचा>> Health Fitness : उलटं चालण्यामुळे हाडे मजबूत होतात? समज की गैरसमज? वाचा सविस्तर...
यामुळे जेव्हा डॉ. अग्रवाल यांनी त्या महिलेची आणखी तीन वेळा सोनोग्राफी केली तेव्हा त्यांना आढळले की तिच्या पोटातील बाळाच्या पोटात आणखी एक बाळ आहे.
डॉ. अग्रवाल यांनी हे त्यांच्या वरिष्ठांना सांगितले. प्रसूतीदरम्यान कोणतीही गुंतागुंत होऊ नये म्हणून वरिष्ठांनी गर्भवती महिलेला संभाजीनगरला पाठवले.
हे वाचलं का?
