Israel Palestine Crisis: इस्रायलमधील युद्धात बॉलिवूड अभिनेत्री बेपत्ता! सिनेमाची कहाणी प्रत्यक्षात घडली
इस्रायल आणि पॅलेस्टाईनमध्ये सुरू असलेल्या युद्धादरम्यान बॉलिवूडमधूनही अस्वस्थ करणारी बातमी समोर आली आहे. अभिनेत्री नुशरत भरुचा इस्रायलमध्ये अडकल्याची माहिती समोर आली आहे.
ADVERTISEMENT
Israel-Palestine War : इस्रायल आणि पॅलेस्टाईनमध्ये सुरू असलेल्या युद्धादरम्यान बॉलिवूडमधूनही (Bollywood) अस्वस्थ करणारी बातमी समोर आली आहे. अभिनेत्री नुशरत भरुचा (Nushrratt Bharuccha) इस्रायलमध्ये अडकल्याची माहिती समोर आली आहे. तिच्या टीममधील एका व्यक्तीने ही माहिती शेअर करून याचा दुजोरा दिला आहे. (Actress Nushrratt Bharuccha stuck in Israel-Palestine Crisis and now There is no contact)
बेसमेंटमध्ये घेतला आसरा? संपर्कही तुटला…
मीडियासोबत शेअर केलेल्या माहितीत तिच्या टीममधील व्यक्तीने सांगितले की, ‘नुशरत भरूचा इस्राईलमध्ये अडकली आहे. ती हैफा आंतरराष्ट्रीय चित्रपट महोत्सवात सहभागी होण्यासाठी तिथे गेली होती. तिच्या टीमने दिलेल्या मेसेजनुसार आज दुपारी 12.30 च्या सुमारास शेवटचा संपर्क झाला होता. यावेळी ती बेसमेंटमध्ये सुरक्षित होती.’
’25 लोक पाकमधून आलेत, बॉम्बस्फोट करणार…’, मुंबई पोलिसांनी धमकी देणाऱ्या आरोपीला ठोकल्या बेड्या!
सुरक्षा उपायांसाठी अधिक माहिती उघड करण्यात आलेली नाही. मात्र, तेव्हापासून तिच्याशी संपर्क होऊ शकलेला नाही. ‘टीमने सांगितले की, आम्हाला तिच्याशी संपर्क साधता येत नाही आहे. आम्ही नुशरतला सुखरूप भारतात परत आणण्याचा प्रयत्न करत आहोत आणि आशा आहे की ती निरोगी आणि सुरक्षित परतेल.’ जर नुशरत भरूचा लवकर सापडली नाही तर भारताच्या परराष्ट्र मंत्रालयाकडून मदत घेतली जाऊ शकते.
चित्रपटाची कहाणी नुशरतच्या आयुष्यात खरी ठरली!
आत्ताच ऑगस्ट महिन्यात अभिनेत्री नुशरत भरुचाचा ‘अकेली’ हा चित्रपट प्रदर्शित झाला होता. चित्रपटाचे कथानक असे आहे की एक मुलगी काही कारणाने इराकच्या युद्धात अडकते. हा चित्रपट युद्धाच्या भोवऱ्यात अडकलेल्या एका मुलीच्या घरी परतण्याच्या संघर्षावर आधारित आहे.
हे वाचलं का?
