अमरावती : मोबाईल दुकानदाराच्या बायकोने नादी लावलं, 64 वर्षीय शेतकऱ्याचे 70 लाख गेले
Amravati Crime News : अमरावतीत एका 64 वर्षीय शेतकऱ्याला हॅनी ट्रॅपमध्ये अडकवून 70 लाख रुपयांची खंडणी उकळणाऱ्या पती-पत्नीविरुद्ध गुन्हा दाखल करण्यात आला असून सध्या पोलीस त्यांचा शोध घेत आहेत.
ADVERTISEMENT
बातम्या हायलाइट
अमरावती : मोबाईल दुकानदाराच्या बायकोने नादी लावलं
64 वर्षीय शेतकऱ्याचे 70 लाख गेले
Amravati Crime News, धनंजय साबळे : अमरावती जिल्ह्यात हॅनी ट्रॅपच्या माध्यमातून एका 64 वर्षीय शेतकऱ्याला आपल्या जाळ्यात ओढून तब्बल 70 लाख रुपये उकळल्याचा धक्कादायक प्रकार उघडकीस आला आहे. एका मोबाईल रिचार्जच्या दुकानात झालेल्या साध्या ओळखीचे रूपांतर आधी मैत्रीत आणि नंतर आर्थिक शोषणात झाले. एका किरकोळ 10 हजार रुपयांच्या व्यवहारापासून सुरू झालेला हा प्रवास ब्लॅकमेलिंगच्या अशा चक्रव्यूहात अडकला, जिथे पीडित शेतकरी गेल्या चार वर्षांपासून आर्थिक आणि मानसिक छळाला सामोरा जात होता. आरोपी पती-पत्नीने अतिशय नियोजनबद्ध पद्धतीने शेतकऱ्याचा विश्वास संपादन केला आणि नंतर त्याला बदनामीच्या छायेत ढकलून लाखो रुपयांची खंडणी वसूल केली. या प्रकरणी नांदगाव पेठ पोलीस ठाण्यात गुन्हा दाखल करण्यात आला असून संपूर्ण जिल्ह्यात या घटनेने मोठी खळबळ उडाली आहे.
हेही वाचा : डोंबिवलीतील तरुण मित्रांसोबत इर्शाळवाडी ट्रेकला गेला, पण घरी डेथ बॉडी परतली, काय घडलं?
स्पाई कॅमेरा आणि बलात्कार केसची धमकी; 4 वर्षे चालला ब्लॅकमेलिंगचा खेळ
या प्रकरणाची सुरुवात एका मोबाईल शॉपवर झाली, जिथे शेतकऱ्याचे येणे-जाणे वाढले होते. दुकानदाराच्या पत्नीने आधी शेतकऱ्याशी जवळीक निर्माण केली आणि त्यानंतर तिच्या पतीने 10 हजार रुपये उसने मागून वेळेवर परत करत त्यांचा विश्वास जिंकला. मात्र, काही काळानंतर या नात्याचा वापर शस्त्रासारखा करण्यात आला. आरोपी पतीने शेतकऱ्याला धमकावण्यास सुरुवात केली की, दुकानात लावलेल्या स्पाई कॅमेऱ्यामध्ये सर्व हालचाली रेकॉर्ड आहेत आणि त्यांच्याकडे कॉल रेकॉर्डिंगसह सर्व चॅट्स उपलब्ध आहेत. हे पुरावे समाज आणि कुटुंबासमोर आणून बदनामी करण्याची तसेच बलात्काराच्या खोट्या गुन्ह्यात अडकवण्याची धमकी देण्यात आली. सामाजिक प्रतिष्ठेला जपण्याच्या भीतीने शेतकरी पूर्णपणे या दांपत्याच्या दबावाखाली आला आणि तिथूनच मोठ्या वसुलीला सुरुवात झाली.
हेही वाचा : 'तुझी बहीण जिवंत जाणार नाही..' लग्नानंतर चारच दिवसांत सासूची धमकी, भाऊ पोहोचेपर्यंत...
