बदलापुरात स्कूल व्हॅनमध्ये चार वर्षीय चिमुकलीचा विनयभंग; ड्रायव्हरला अटक, तपासात गंभीर बाब समोर
Badlapur News : बदलापुरात एक अत्यंत धक्कादायक आणि संतापजनक घटना समोर आली आहे. एका खासगी इंग्रजी माध्यमाच्या शाळेत प्री-प्रायमरीत शिक्षण घेणाऱ्या अवघ्या चार वर्षांच्या चिमुकलीसोबत स्कूल व्हॅनच्या चालकाने कथितरित्या छेडछाड केल्याचा गंभीर आरोप आहे.
ADVERTISEMENT
बातम्या हायलाइट
बदलापूरात स्कूल व्हॅनमध्ये चार वर्षीय चिमुकलीचा विनयभंग
ड्रायव्हरला अटक
तपासात गंभीर बाब समोर
Badlapur News : बदलापुरात एक अत्यंत धक्कादायक आणि संतापजनक घटना समोर आली आहे. एका खासगी इंग्रजी माध्यमाच्या शाळेत प्री-प्रायमरीत शिक्षण घेणाऱ्या अवघ्या चार वर्षांच्या चिमुकलीसोबत स्कूल व्हॅनच्या चालकाने कथितरित्या छेडछाड केल्याचा गंभीर आरोप आहे. या प्रकरणी तक्रार दाखल होताच स्थानिक पोलिसांनी तत्काळ कारवाई करत आरोपी व्हॅन चालकाला अटक केली असून संबंधित स्कूल व्हॅन जप्त करण्यात आली आहे.
हे ही वाचा : दुकानाबाहेर महिलेच्या लेहंग्यातून पडला तुपाचा डबा, झडती घेताच 30 हजारांचं सामान... चित्रपटाला लाजवेल अशी घटना
घाबरलेल्या मुलीनेच सांगितला सगळा प्रकार
ही घटना गुरुवारी (22 जानेवारी) घडली. दुपारी साडेबारा वाजता नेहमीप्रमाणे मुलगी घरी न पोहोचल्याने कुटुंबीयांमध्ये एकच खळबळ उडाली. जवळपास एक तासाच्या उशिरानंतर मुलगी घरी आली. घरच्यांनी विचारपूस केली असता सुरुवातीला ती काहीच बोलली नाही. मात्र ती घाबरलेली असल्याचे लक्षात आल्यानंतर वारंवार विचारल्यावर तिने स्कूल व्हॅन चालकाने आपल्यासोबत चुकीची हरकत केल्याचे सांगितले.
नागरिकांकडून स्कूल व्हॅनची तोडफोड
या प्रकारामुळे संतप्त झालेल्या कुटुंबीयांनी प्रथम शाळा व्यवस्थापनाकडे तक्रार केली आणि त्यानंतर स्थानिक पोलीस ठाण्यात गुन्हा दाखल केला. प्रकरणाची गंभीरता लक्षात घेता पोलिसांनी तत्काळ आरोपीला ताब्यात घेतले. घटनेची माहिती पसरताच परिसरात संतापाची लाट उसळली. संतप्त नागरिकांनी संबंधित स्कूल व्हॅनची तोडफोडही केली.
हे वाचलं का?
