ठाणे : बिल्डरच्या हत्येची सुपारी दिल्याचा भाजप आमदारावर आरोप, गँगस्टर इजाज लाकडावालाच्या पत्रामुळे खळबळ..
गँगस्टर इजाज लाकडावाला याने ठाणे पोलीस आयुक्तांना पाठवलेल्या एका पत्रामुळे ठाणे जिल्ह्यात मोठी खळबळ उडाली आहे. या पत्रात अंबरनाथमधील बिल्डर विश्वनाथ पनवेलकर यांच्या हत्येची सुपारी देण्याचा प्रयत्न भाजपा आमदार किसन कथोरे यांनी केल्याचा गंभीर आरोप करण्यात आला आहे.
ADVERTISEMENT
बातम्या हायलाइट
गँगस्टर इजाज लाकडावालाच्या पत्रामुळे ठाण्यात खळबळ
बिल्डरच्या हत्येची सुपारी देण्याचा आमदार किसन कथोरे यांच्यावर आरोप
बिल्डर विश्वनाथ पनवेलकर यांचा पोलिसांवर सहकार्य न केल्याचा आरोप
Gangster Lakdawala letter to Thane Police Commissioner : अर्थर रोड कारागृहात बंद असलेल्या गँगस्टर इजाज लाकडावाला याने पोस्टाद्वारे ठाणे पोलीस आयुक्तांना पाठवलेल्या एका पत्रामुळे ठाणे जिल्ह्यात मोठी खळबळ उडाली आहे. या पत्रात अंबरनाथमधील बिल्डर विश्वनाथ पनवेलकर यांच्या हत्येची सुपारी देण्याचा प्रयत्न भाजपा आमदार किसन कथोरे यांनी केल्याचा गंभीर आरोप करण्यात आला आहे.
पत्रात काय लिहिलंय?
मिळालेल्या माहितीनुसार, 21 एप्रिल 2025 रोजी अंबरनाथ येथे पनवेलकर यांच्या घराबाहेर दुचाकीस्वारांनी गोळीबार केला होता. त्या वेळीही पनवेलकर यांनी हा हल्ला आमदार कथोरे यांच्या सांगण्यावरून झाल्याचा आरोप केला होता. मात्र आता गँगस्टर लाकडावाला याच्या पत्रामुळे या प्रकरणाला नवं वळण मिळालं आहे. लाकडावालाने आपल्या पत्रात पनवेलकर यांच्या हत्येसाठी सुपारी देण्याचा प्रयत्न झाल्याचा उल्लेख केल्याने प्रकरण अधिक गंभीर बनले आहे.
या पार्श्वभूमीवर पनवेलकर यांनी पोलिसांनी तात्काळ लाकडावालाचा जबाब नोंदवून या संपूर्ण प्रकरणाची सखोल चौकशी करावी, अशी मागणी केली आहे. तसेच, माझ्या जीवाला धोका असून मला पोलीस संरक्षण द्यावे, अन्यथा भविष्यात माझी हत्या होऊ शकते, अशी भीतीही पनवेलकर यांनी व्यक्त केली आहे. तसेच त्यांनी पोलिसांवर सहकार्य न केल्याचाही आरोप केला आहे.
हे ही वाचा : बाळासाहेब ठाकरेंचे व्यंगचित्र वापरुन कुणाल कामराचे हक्कभंग समितीला स्पष्टीकरण, एकनाथ शिंदेंना पुन्हा डिवचलं
सरकारच्या कार्यपद्धतीवर टीका
राज्यातील कायदा आणि सुव्यवस्थेच्या प्रश्नावर पुन्हा एकदा मोठा वाद निर्माण झाला आहे. प्रसिद्ध व्यावसायिक विश्वनाथ पनवेलकर यांनी भाजपा आमदार किसन कथोरे यांच्यावर हत्या करण्यासाठी सुपारी दिल्याचा गंभीर आरोप केल्यानंतर सरकारच्या कार्यपद्धतीवर विरोधक आणि नागरिकांनी तीव्र टीका सुरू केली आहे. पनवेलकर यांनी दावा केला आहे की, कुख्यात गँगस्टर इजाज लकडावाला यांच्या नावाने आर्थर रोड कारागृहातून पाठवण्यात आलेल्या पत्रामध्ये या कटाचा खुलासा करण्यात आला आहे.
