Delhi car blast प्रकरणातील आरोपीचा कारमधील फोटो समोर, कोण आहे डॉ. मोहम्मद उमर?
Delhi car blast First image of suspect Dr Mohammad Umar : Delhi car blast प्रकरणातील संशयित आरोपीचा कारमधील फोटो समोर, कोण आहे डॉ. मोहम्मद उमर?
ADVERTISEMENT
बातम्या हायलाइट
Delhi car blast प्रकरणातील संशयित आरोपीचा कारमधील फोटो समोर
कोण आहे डॉ. मोहम्मद उमर? संपूर्ण माहिती जाणून घ्या...
Delhi car blast First image of suspect Dr Mohammad Umar : दिल्लीतील लाल किल्ल्याजवळ झालेल्या कार स्फोटानंतरचा संशयिताचा पहिला फोटो समोर आला आहे. या फोटोत संशयित व्यक्ती हुंडाई i20 चालवताना दिसत आहे, हीच ती कार जी सोमवारी रात्री स्फोटात खाक झाली होती. या स्फोटात नऊ जणांचा मृत्यू झाला असून 20 जण जखमी झाले आहेत. माहितीनुसार, मोहम्मद उमर नावाचा संशयित दहशतवादी फरिदाबाद दहशत मॉड्यूलशी संबंधित आहे. तो फरिदाबाद येथील अल फला मेडिकल कॉलेजमध्ये डॉक्टर म्हणून कार्यरत होता.
कोण आहे डॉ. मोहम्मद उमर? संपूर्ण माहिती जाणून घ्या...
उमर हा अदील अहमद राथरचा जवळचा सहकारी असल्याचे सांगितले जाते. राथर हा अनंतनाग येथील गव्हर्नमेंट मेडिकल कॉलेज (GMC) मधील माजी सीनियर रेसिडेंट डॉक्टर असून, गेल्या आठवड्यात त्याला अटक करण्यात आली होती. राथरकडून मिळालेल्या माहितीनुसार, अधिकाऱ्यांनी सोमवारी फरिदाबादमध्ये छापा मारला. इंडिया टुडेला मिळालेल्या माहितीनुसार, उमर स्वतः त्या कारमध्ये होता आणि त्याने दोन साथीदारांसह या हल्ल्याचा कट रचला होता. सोमवारी फरिदाबादमध्ये झालेल्या अटकांनंतर घाबरलेल्या अवस्थेत त्यांनी हा हल्ला घाईघाईत केला.
उमर आणि त्याच्या साथीदारांनी कारमध्ये डिटोनेटर बसवून हा स्फोट घडवला. तपास यंत्रणांनी पुष्टी केली आहे की, या स्फोटात अमोनियम नायट्रेट फ्युएल ऑइल (ANFO) वापरण्यात आले होते. हा स्फोट संध्याकाळी गर्दीच्या वेळी झाला, जेव्हा लाल किल्ल्याजवळील परिसर पर्यटकांनी गजबजलेला होता. सीसीटीव्ही फुटेजनुसार, हा फोटो सोमवारी संध्याकाळी 6 : 52 वाजण्याच्या काही वेळ आधीचा आहे. ही कार सुमारे तीन तास सुनहरी मशिदी जवळ पार्क करण्यात आली होती. फुटेजमध्ये कार दुपारी 3 : 19 वाजता पार्किंगमध्ये शिरताना आणि संध्याकाळी 6 : 48 वाजता बाहेर पडताना दिसते. त्यानंतर थोड्याच वेळात स्फोट झाला.
सुरुवातीला कार चालकाचा चेहरा स्पष्ट दिसतो, मात्र कार पुढे सरकल्यावर मुखवटा घातलेला माणूस कार चावलताना दिसतो.दरम्यान, आणखी एक व्हिडिओ समोर आला आहे ज्यात ही कार पार्किंगमध्ये येताना आणि जाताना दिसते. दिल्ली पोलिसांच्या सूत्रांनी सांगितले की स्फोटाच्या वेळी संशयित एकटाच होता. तपास यंत्रणा आता दरीयागंजकडे जाणारा मार्ग शोधत आहेत. सध्या 100 पेक्षा जास्त सीसीटीव्ही फुटेज, टोल प्लाझांवरील व्हिडिओसह, तपासले जात आहेत जेणेकरून वाहनाची संपूर्ण हालचाल समजता येईल.
हे वाचलं का?
