पात्रतेचे निकष काय?

या भरतीसाठी अर्ज करणाऱ्या उमेदवारांची शैक्षणिक पात्रता आणि वयोमर्यादा निश्चित करण्यात आली आहे. 1 एप्रिल 2026 रोजी उमेदवाराचे वय किमान 20 तर कमाल 28 वर्षे असणे आवश्यक आहे. तसेच, उमेदवाराने कोणत्याही मान्यताप्राप्त विद्यापीठातून पदवी पूर्ण केलेली असावी. विशेष म्हणजे, जे विद्यार्थी पदवीच्या अंतिम वर्षात किंवा सेमिस्टरमध्ये शिकत आहेत, ते देखील या पदासाठी तात्पुरत्या स्वरूपात अर्ज करू शकतात; मात्र त्यांना 31 डिसेंबर 2026 पूर्वी पदवी परीक्षा उत्तीर्ण केल्याचा पुरावा सादर करणे बंधनकारक राहील.

हे ही वाचा : बायको बॉयफ्रेंडसोबत मोमोज खात होती, नवऱ्यानं पकडलं अन् भररस्त्यात राडा

परीक्षा कधी होणार?

निवड प्रक्रिया आणि अर्जाच्या शुल्काबाबतही अधिसूचनेत सविस्तर माहिती देण्यात आली आहे. उमेदवारांची निवड प्राथमिक (Preliminary) आणि मुख्य (Main) अशा दोन परीक्षांच्या आधारे केली जाईल. प्राथमिक परीक्षा सप्टेंबर 2026 मध्ये, तर मुख्य परीक्षा नोव्हेंबर 2026 मध्ये होण्याची शक्यता आहे. अर्ज करताना खुला (General), ओबीसी (OBC) आणि ईडब्ल्यूएस (EWS) प्रवर्गातील उमेदवारांना 750 रुपये अर्ज शुल्क भरावे लागेल. याउलट अनुसूचित जाती (SC), अनुसूचित जमाती (ST), दिव्यांग (PwBD) आणि माजी सैनिक (Ex-Servicemen) या प्रवर्गातील उमेदवारांसाठी कोणतीही फी आकारली जाणार नाही, त्यांच्यासाठी अर्ज प्रक्रिया पूर्णपणे विनामूल्य आहे.

हे ही वाचा : मुलीला आई बॉयफ्रेंडसोबत 'तसल्या' अवस्थेत दिसली, वडिलांना सांगणार इतक्यात...

वेतन किती मिळणार?

निवड झालेल्या उमेदवारांना एसबीआयकडून अत्यंत आकर्षक वेतन आणि इतर भत्ते दिले जातील. ज्युनियर असोसिएट पदासाठी मूळ वेतन (Basic Pay) 26,730 रुपये इतके असणार आहे, ज्यामध्ये पदवीधरांना मिळणाऱ्या दोन आगाऊ वेतनवाढींचा (Advance Increments) आधीच समावेश करण्यात आला आहे. याशिवाय, महागाई भत्ता आणि सध्याच्या दरानुसार लागू असलेले इतर सर्व भत्ते मिळून, मुंबईसारख्या मेट्रो शहरात रुजू होणाऱ्या कर्मचाऱ्याला दरमहा सुरुवातीला सुमारे 46,000 रुपये इतके एकूण वेतन मिळेल. बँकिंग क्षेत्रात करिअर करू पाहणाऱ्या तरुणांसाठी ही खरोखरच एक सुवर्णसंधी आहे.