दोन पत्नी असल्याचे लपवण्यासाठी गरोदर प्रेयसीची हत्या, बॉडी दुसऱ्या राज्यात नेऊन पुरली
Crime News odisha : ओडिशाच्या कोरापुट जिल्ह्यातून 29 जुलैला बेपत्ता झालेल्या 22 वर्षीय अल्बिना गराडा हिचा मृतदेह आंध्र प्रदेशातील गजपतिनगरम परिसरात जमिनीत पुरलेल्या अवस्थेत सापडला. या प्रकरणात पोलिसांनी दोन आरोपींना अटक केली असून, घरगुती वादातून हत्या झाल्याचा पोलिसांचा प्राथमिक तपास आहे.
ADVERTISEMENT
बातम्या हायलाइट
दोन पत्नी असल्याचे लपवण्यासाठी गरोदर प्रेयसीची हत्या
बॉडी दुसऱ्या राज्यात नेऊन पुरली
Crime News odisha : ओडिशाच्या कोरापुट जिल्ह्यातील सेमिलीगुडा येथून 29 जुलैला बेपत्ता झालेल्या 22 वर्षीय महिलेचा मृतदेह शेजारील आंध्र प्रदेशातील गजपतिनगरम परिसरातून सापडला आहे. अल्बिना गराडा असे मृत महिलेचे नाव असून, ती कोरापुट जिल्ह्यातील दसमंतपूर परिसरातील टुंखाल गावची रहिवासी होती. तिची हत्या करून मृतदेह आंध्र प्रदेशात नेऊन जमिनीत पुरण्यात आल्याचे पोलिसांच्या तपासात समोर आले आहे. या प्रकरणी पोलिसांनी दोन जणांना अटक केली आहे. त्यांची नावे सुनाबेडा येथील काकीगावचा 35 वर्षीय मोहन खिल्ला आणि सेमिलीगुडा येथील गुरुद्वार परिसरातील 19 वर्षीय मिलन कुलदीप अशी आहेत.
हेही वाचा : आईला 'तो' मेसेज आला, घरमालकाने दार उघडताच भयंकर दृश्य दिसलं, इंजिनिअर दाम्पत्यासोबत काय घडलं?
पोलिसांच्या माहितीनुसार, अल्बिना 29 जुलैला सेमिलीगुडा येथून बेपत्ता झाली होती. त्यानंतर 1 ऑगस्टला मोहन खिल्लाने सेमिलीगुडा पोलीस ठाण्यात तिच्या बेपत्ता होण्याची तक्रार दाखल केली होती. तपास पुढे जात असताना पोलिसांना काही महत्त्वाचे धागेदोरे मिळाले. त्यातून अल्बिनासोबत काहीतरी गंभीर गुन्हेगारी घटना घडल्याचा संशय निर्माण झाला. त्यानंतर पोलिसांनी मोहन आणि मिलन यांना ताब्यात घेऊन चौकशी केली. चौकशीदरम्यान अल्बिनाच्या मृतदेहाची विल्हेवाट लावण्यासंदर्भात महत्त्वाची माहिती पोलिसांना मिळाली. आरोपींकडून मिळालेल्या माहितीनुसार, सेमिलीगुडा पोलिसांनी आंध्र प्रदेश पोलिसांच्या मदतीने विजयनगरम जिल्ह्यातील गजपतिनगरम परिसरात शोधमोहीम राबवली.
हेही वाचा : बॉलिवूडच्या 3 अभिनेत्यांना अन्न FDA ची कारणे दाखवा नोटीस, 15 दिवसांच्या आत स्पष्टीकरण देण्याचे निर्देश