जम्मू काश्मीरचे माजी राज्यपाल सत्यपाल मलिक यांच्या घरावर CBI चा छापा
ED, CBI raids former Governor Satya Pal Malik's house in Kiru Hydro Electric Project corruption case
ADVERTISEMENT
बातम्या हायलाइट
माजी राज्यपाल सत्यपाल मलिक यांच्या घरावर CBI चा छापा
Satya Pal Malik : जम्मू-काश्मीरच्या किरू हायड्रो इलेक्ट्रिक प्रकल्पाशी संबंधित भ्रष्टाचारप्रकरणी सीबीआयकडून गुरुवारी सकाळी माजी राज्यपाल सत्यपाल मलिक यांच्या दिल्लीतील निवासस्थान आणि कार्यालयाची झडती घेतली. मलिक यांच्या घर आणि कार्यालयाबरोबरच केंद्रीय एजन्सीकडून जम्मू-काश्मीरमधील 30 ठिकाणीही छापे टाकले आहेत. हे प्रकरण किश्तवारमधील चिनाब नदीवरील प्रस्तावित किरू जलविद्युत प्रकल्पासाठी 2019 मध्ये 2200 कोटी रुपयांचे नागरी कामाचे कंत्राट देताना भ्रष्टाचार झाल्याचा आरोप करण्यात आला आहे.
300 कोटी रुपयांची लाच
सत्यपाल मलिक ज्यावेळी जम्मू काश्मीर केंद्रशासित प्रदेश झाला नव्हता त्यावेळी ते राज्यपाल होते. त्यावेळी त्यांनी त्यांनी एका प्रकल्पाच्या दोन फाईल्स मंजूर करण्यासाठी त्यांना 300 कोटी रुपयांची लाच देऊ करण्यात आली होती असा आरोप करण्यात आला होता.
जम्मू-काश्मीरमधील 8 ठिकाणी छापेमारी
सत्यपाल मलिक हे 23 ऑगस्ट 2018 ते 30 ऑक्टोबर 2019 पर्यंत जम्मू-काश्मीरचे राज्यपाल होते. गेल्या महिन्यातही सीबीआयने या प्रकरणाचा तपास सुरु असतानाच दिल्ली आणि जम्मू-काश्मीरमधील 8 ठिकाणी छापेमारी करण्यात आली होती.
छाप्यात 21 लाख जप्त
सीबीआयकडून मागील महिन्यातही त्यांच्या घरावर आणि कार्यालयावर छापा टाकला होता. त्यावेळी त्या छाप्यात 21 लाख रुपयांपेक्षा जास्त रोख रक्कम, त्याचबरोबर डिजिटल उपकरणं, संगणक, मालमत्तेची कागदपत्रं जप्त केली होती.
हे वाचलं का?
