“अख्खे कुटुंब याच वावरात पुरेन”, भाजप आमदार सुरेश धसांच्या पत्नीसह तिघांविरुद्ध गुन्हा
आष्टी तालुक्यातील वाळुंज गावात एका महिलेला विवस्त्र करून मारहाण केल्या प्रकरणी सुरेश धस यांच्या पत्नी प्राजक्ता धस यांच्याविरुद्ध गुन्हा दाखल झाला आहे.
ADVERTISEMENT
Suresh Dhas Wife : भाजपचे आमदार (BJP MLA) सुरेश धस यांच्या पत्नी प्राजक्ता धस यांच्यासह तीन जणांविरुद्ध गुन्हा दाखल झाला आहे. बीड जिल्ह्यातील आष्टी पोलीस ठाण्यात गुन्हा दाखल झाला आहे. सोशल मीडियावर एक व्हिडीओ व्हायरल झाला. या व्हिडीओनंतर प्राजक्ता धस यांच्यासह तिघांविरुद्ध बीड जिल्ह्यातील आष्टी पोलिसांनी हा गुन्हा दाखल केला आहे. (FIR Lodged against Bjp Mla Suresh Dhas wife and three others)
15 ऑक्टोबर रोजी आष्टी तालुक्यातील वाळुंज येथे एक घटना घडली. त्यानंतर या घटनेचा व्हिडीओ समोर आला. पीडित महिलेने पोलिसांना दिल्या फिर्यादीत गंभीर आरोप केले आहेत.
सुरेश धसांच्या पत्नीवर आरोप… घटना काय?
40 वर्षीय पीडित महिलेने दिलेल्या माहितीनुसार, महिला १५ ऑक्टोबर रोजी सायंकाळी ५.३० वाजता शेतात जनावरांसाठी चारा गाडीत भरत होती. तर पती आणि सून शेतात पाहणी करत होते. त्यावेळी रघू कैलास पवार व राहुल जगदाळे हे महिलेजवळ आले.
हेही वाचा >> Maratha Reservation : ‘ती’ जाहिरात शिंदे सरकारच्या अंगलट, 24 तासांत डॅमेज कंट्रोल?
महिला मका कापत असताना रघू पवारने महिलेला धरले आणि खाली पाडले. महिलेने विरोध केला. त्यावेळी राहुल जगदाळेने महिलेचे पाय धरले. त्यावेळी तिथे असलेल्या प्राजक्ता धस यांनी दोघांनाही महिलेला दाबा असे म्हटले. चांगला चोप द्या, मी आहे. घाबरू नका, असे प्राजक्ता धस म्हणाल्याचा आरोप त्यांनी केलेला आहे. यावेळी रघु पवार-राहुल जगदाळेंने माझी साडी ओढली, असं तक्रारीत म्हटलं आहे.
हे वाचलं का?
