Gold Rate: 'सोन्याचे दर चमकतात कसे... लकालका लकालका'; नवरात्रीच्या पहिल्याच दिवशी तुफान तेजी!
Gold-Silver Rate Today : सणासुदीच्या काळात भारतात सोने-चांदीच्या भावात तुफान तेजी दिसत आहे. आजपासून (03 ऑक्टोबर 2024) नवरात्रीला सुरूवात झाली आहे. अशातच आता सोन्याने उच्चांक गाठला आहे.
ADVERTISEMENT
बातम्या हायलाइट
सणासुदीच्या काळात भारतात सोने-चांदीच्या भावात तुफान तेजी
नवरात्रीच्या पहिल्याच दिवशी सोन्याने गाठला उच्चांक
तुमच्या शहरात सोन्याचा भाव काय?
Gold-Silver Rate Today : सणासुदीच्या काळात भारतात सोने-चांदीच्या भावात तुफान तेजी दिसत आहे. आजपासून (03 ऑक्टोबर 2024) नवरात्रीला सुरूवात झाली आहे. अशातच आता सोन्याने उच्चांक गाठला आहे. तर चांदीच्या दरातही मोठी वाढ दिसून येतेय, त्यामुळे सोने-चांदी खरेदी करणाऱ्या ग्राहकांच्या कपाळाला आट्या आल्या आहेत. हे बदल किती रूपयांनी झाले आहेत याबद्दल सविस्तर जाणून घेऊयात. (Gold-Silver rate hike in navratri 24 carat gold prices today 3 october 2024 in maharashtra mumbai Pune)
सोन्या-चांदीच्या दरांमध्ये रोज बदल होत असतात. कधी सोन्या-चांदीच्या दरात वाढ होते तर कधी घसरण पाहायला मिळते. आगामी काळात सोन्याच्या दरात आणखी वाढ होण्याची भीती असल्याने सोन्याच्या दागिन्यांची मागणी 50 टक्क्यांनी वाढली आहे.
Goodreturns वेबसाईटनुसार, बुधवारी (02 ऑक्टोबर 2024) 24 कॅरेट 10 ग्रॅम (1 तोळा) सोन्याचा भाव 77,450 रूपयांवर पोहोचला होता. पण आज यामध्ये 110 रूपयांनी वाढला झाली असून याची किंमत 77,560 रूपये झाली आहे. तर, 22 कॅरेट सोन्याचा भाव 71,000 रूपये होता. जो 100 रूपयांनी वाढला असून त्याची किंमत 71,100 रूपये झाली आहे. त्याचबरोबर एक किलो चांदीची किंमत 95,000 रूपयांवर पोहोचली आहे. उत्पादन शुल्क, राज्य कर आणि मेकिंग शुल्कामुळे भारतात सोने-चांदीच्या दागिन्यांच्या किंमती बदलत असतात.
देशातील मोठ्या शहरांमध्ये 24 कॅरेट सोन्याचा भाव 77,000 रुपयांच्या पुढे व्यापार करत आहे. हा वाढता दर सोने बाजारासाठी एक महत्त्वपूर्ण टप्पा मानला जात आहे. सोन्याच्या किंमतीत होणाऱ्या या वृद्धीचा परिणाम बाजारातील अस्थिरता आणि जागतिक आर्थिक घडामोडींवर दिसून येत आहे.
हे वाचलं का?
