लातूर : क्रीडा प्रशिक्षकाकडून चार मुलींसोबत भर मैदानावर नको ते कृत्य, तरुणींनी तक्रार देताच पोलिसांनी उचललं

पोलिसांच्या माहितीनुसार, पाटील हा लातूरमधील एका संस्थेच्या मैदानावर मुलींचे प्रशिक्षण घेत असे. प्रशिक्षणादरम्यान आंतरराष्ट्रीय क्रीडा स्पर्धांमध्ये सहभागी होण्याची संधी मिळवून देतो, अशा आश्वासनांच्या आधारे तो मुलींना फूस लावत असे. त्यानंतर त्यांच्याशी अनुचित वर्तन करून विनयभंग केल्याचे मुलींनी पोलिसांना सांगितले. महाविद्यालयीन मुलींनी तक्रार दिल्यानंतर पोलिसांनी प्राथमिक चौकशी केली असता, आणखी तीन अल्पवयीन मुलींनाही प्रशिक्षकाने त्रास दिल्याचे समोर आले.

हेही वाचा : मुंबई: मित्रांसोबत वाढदिवस साजरा करणं पडलं महागात! ज्वलनशील पदार्थ टाकून आग लावली अन्... तरुणासोबत घडलं भयानक

घटना जानेवारी 2025 पासून 24 नोव्हेंबर 2025 पर्यंत घडल्याचे पोलिसांनी स्पष्ट केले. पीडित मुलींच्या सविस्तर जबाबांनंतर सोमवारी गांधी चौक पोलिस ठाण्यात पोक्सो कायद्यानुसार गुन्हा दाखल करण्यात आला. आरोपीला ताब्यात घेतल्यानंतर त्याची कसून चौकशी करण्यात आली. मंगळवारी देविदास पाटीलला न्यायालयात हजर करण्यात आले. सुनावणीदरम्यान गुन्ह्याची गंभीरता लक्षात घेऊन न्यायालयाने त्याला न्यायालयीन कोठडीत पाठवण्याचा आदेश दिला. पुढील तपास सहाय्यक पोलिस निरीक्षक रवींद्र खरे यांच्या पथकाकडून सुरू असल्याचे पोलिस निरीक्षक सुनील रेजितवाड यांनी सांगितले.