कोकणात पावसाची स्थिर स्थिती, 'या' भागांत पडणार धो धो, मान्सूनची स्थिती घ्या जाणून

हे ही वाचा : 'राज ठकरे कुचक्या कानाचा, फडणवीसांनी याच्या पोराला पाडलं तरीही... मनोज जरांगेंनी राज ठाकरेंनाही सोडलं नाही

कोकण विभाग :

कोकण भागातील विशेषतः रायगड आणि रत्नागिरी या भागांत हलका ते मध्यम स्वरुपाच्या पावसाची शक्यता आहे. तसेच कमाल तापमान हे 33 ते 35 अंश सेल्सिअस आणि किमान तापमान 24 ते 26 अंश सेल्सिअस राहील, असा हवामान विभागाने अंदाज वर्तवला आहे.

पश्चिम महाराष्ट्र :

पश्चिम महाराष्ट्रातील पुणे, सातारा, सांगली आणि कोल्हापूर या भागात तुरळक पाऊस अपेक्षित आहे. तापमान 32 ते 36 अंश सेल्सिअस दरम्यान राहील. काही ठिकाणी दुपारनंतर हलक्या पावसाच्या सरी पडू शकतात.

मराठवाडा :

औरंगाबाद, जालना आणि बीडसह मराठवाड्यात हलका पाऊस आणि ढगाळ वातावरण राहील. तापमान 34 ते 38 अंश सेल्सिअस असेल. रात्री काही ठिकाणी मध्यम पाऊस पडण्याची शक्यता आहे.

विदर्भ :

विदर्भात नागपूर, अमरावती आणि वर्धा येथे हलका ते मध्यम पाऊस अपेक्षित आहे. तापमान 35 ते 39 अंश सेल्सिअस राहील. कमी दाबाच्या क्षेत्रामुळे विदर्भात पावसाचा जोर वाढू शकतो.

उत्तर महाराष्ट्र:

उत्तर महाराष्ट्रातील जळगाव, धुळे आणि नंदुरबार येथे उष्ण आणि दमट वातावरण राहील. कमाल तापमान 39 ते 41 अंश सेल्सिअसपर्यंत पोहोचू शकते. पाऊस पडण्याची शक्यता कमी आहे, परंतु आकाश अंशतः ढगाळ राहील.

हे ही वाचा : Manoj Jarange Patil : ‘फडणवीसनं दोन खून केलेत’, जरांगे-पाटलांची स्फोटक मुलाखत

हवामान खात्याचा इशारा:

भारतीय हवामान खात्याने कोकण आणि विदर्भातील काही जिल्ह्यांना यलो अलर्ट जारी केला आहे. याचा अर्थ मध्यम ते जोरदार पावसाची शक्यता आहे, विशेषतः कोकणातील रायगड, रत्नागिरी आणि सिंधुदुर्ग या जिल्ह्यांमध्ये. नागरिकांना सतर्क राहण्याचा इशारा दिला आहे.