पवित्र रिश्ता फेम मराठमोळी अभिनेत्री 'प्रिया मराठे'चं निधन

लहानपणापासूनच शिक्षणाची अनेक स्वप्ने रंगवली...

हसऱ्या चेहऱ्याच्या या गोड अभिनेत्रीचा जन्म 23 एप्रिल 1987 रोजी प्रिया मराठेचा ठाण्यात जन्म झाला होता. प्रिया अभ्यासामध्ये हुशार होती. तिने लहानपणापासूनच शिक्षणाची अनेक स्वप्ने रंगवली होती. तिला ही त्यावेळी इतरांप्रमाणे इंजिनिअर, डॉक्टर व्हायचं होत. परंतु, आपण कधी अभिनयाकडे वळू असे तिला स्वप्नात ही वाटले नव्हते. तिने तिचे शालेय शिक्षण पूर्ण केल्यानंतर ठाणे कॉलेजला प्रवेश घेतला. अकरावीत असतानाच तिचा महाविद्यालयातल्या एकांकिका स्पर्धा, नाट्यस्पर्धा यांच्याशी संबंध आला होता. तिने हे सर्व जवळून पाहिलं होत. नाटकांच्या तालिमा आणि स्पर्धांना ती उपस्थित असायची. त्याच दरम्यान ती अभिनयाकडे आकर्षित झाली होती.

प्रवासाला एक वेगळी दिशा 

त्यानंतर अकरावीत असल्यापासून अभ्यासाच्या जोडीने तिचा अभिनयाचा वेगळा प्रवास सुरू झाला. त्यानंतर पदवीच्या पहिल्या वर्षाला असताना प्रियाची आणि महाविद्यालयातल्या इतर नाट्यप्रेमींची ओळख झाली आणि तिच्या प्रवासाला एक वेगळी दिशा मिळाली. दिग्दर्शक रवी करमरकर, विजू माने, संतोष सराफ, लेखक शिरीष लाटकर या दिग्गज मंडळींचे प्रियाला त्यावेळी मार्गदर्शन मिळाले होते.

टेलिव्हिजन विश्वात पदार्पण

प्रियाने 2005 मध्ये ‘या सुखांनो या’ या मराठीतील गाजलेल्या मालिकेतून छोट्या पडद्यावर श्रीगणेशा केला होता. या मालिकेनंतर प्रियाने मागे वळून पाहिले नाही. कारण, त्यानंतर तिला अनेक मालिकांमध्ये भूमिका साकारण्याची संधी मिळाली होती. मिळवला. 2005 साली मराठी मालिकेतून आपल्या व्यावसायिक अभिनयाचा श्रीगणेशा केलेल्या प्रियाने नंतर कधी मागे वळून पाहिलं नाही. ‘चार दिवस सासूचे’ सारख्या दर्जेदार मालिकेतही तिने तिच्या अभिनयाचा ठसा उमटवला होता.एका बाजूला मराठी मालिकांमध्ये काम करत असतानाचा प्रियाला अनेक संधी मिळू लागल्या होत्या. अशातच तिला हिंदी इंडस्ट्रीमध्ये प्रवेश करण्याची मोठी संधी चालून आली. 2007 मध्ये टेलिव्हिजन विश्वाची क्वीन निर्माती एकता कपूरच्या ‘कसम से’ मालिकेतून प्रियाने हिंदी टेलिव्हिजन विश्वात पदार्पण केले होते. या मालिकेतील तिची भूमिका ही चांगली गाजली.

हे ही वाचा: Maratha Reservation: मनोज जरांगेंशी चर्चा करायला शिंदे समिती आझाद मैदानावर आली, पण...

त्यामुळे मराठी मालिकांसोबतच हिंदी मालिकांमध्येही प्रियाचा चांगलाच बोलबाला निर्माण झाला होता. हिंदी-मराठी मालिकांचा हा प्रवास सुरू असतानाच तिला ‘तू तिथे मी’ या मालिकेत पहिल्यांदाच निगेटिव्ह शेड असलेली भूमिका करण्याची संधी मिळाली आणि मिळालेल्या या संधीचं तिने सोनं केलं. तिच्या या निगेटिव्ह भूमिकेलाही प्रेक्षकांकडून चांगल प्रेम मिळाल होत.कसम से’ मालिकेनंतर प्रियाचा हिंदी टेलिव्हिजन विश्वात चांगला दबदबा निर्माण झाला होता. त्यानंतर प्रियाला निर्माती एकता कपूरच्या आणखी एका मालिकेत प्रमुख भूमिका निभावण्याची संधी मिळाली होती. या मालिकेच नाव होत ‘पवित्र रिश्ता’. ही मालिका 2009 मध्ये झी टिव्हीवर प्रसारित झाली होती. 1 जून 2009 ते 25 ऑक्टोबर 2014 या कालावधीत ही मालिका प्रसारित झाली होती.

'या' मालिकांमधून मिळवली प्रसिद्धी 

या मालिकेत दिवंगत अभिनेता सुशांतसिंह राजपूत आणि अभिनेत्री अंकिता लोखंडे यांनी प्रमुख भूमिका साकारल्या होत्या. मालिकेत अर्चनाच्या बहिणीची भूमिका प्रियाने साकारली होती. या मालिकेत प्रियाने वर्षा नावाची भूमिका साकारली होती. 2009 पासून 2013 पर्यंत प्रियाने या मालिकेत काम केले होते. या मालिकेला प्रेक्षकांकडून भरपूर प्रेम मिळाले होते. शिवाय, मालिकेतील सर्वच पात्रांच्या भूमिका चांगल्याच गाजल्या होत्या. हिंदी-मराठी मालिकांनंतर प्रियाने 'जयोस्तुते' या मालिकेत काम केले होते. ‘या सुखांनो या’, ‘चार दिवस सासूचे’, ‘तू तिथं मी’, ‘संभाजी’ ऑलमोस्ट सुफळ संपूर्ण, ‘येऊ कशी कशी मी नांदायला’ या तिच्या काही गाजलेल्या मालिका आहेत. ‘पवित्रा रिश्ता’, ‘उतरन’, ‘कसम से’, ‘बडे अच्छे लगते है’ या हिंदी मालिकांमुळे तिचा हिंदी कलाविश्वात ही दबदबा निर्माण झाला होता.विघ्नहर्ता महागणपती’, ‘किरण कुलकर्णी वर्सेस किरण कुलकर्णी’, ‘१२३४’ आणि ‘ती आणि इतर’ या चित्रपटांमध्ये तिने आपल्या अभिनयाची चुणूक दाखवली होती. प्रियाने 2012 मध्ये दिवंगत ज्येष्ठ अभिनेते श्रीकांत मोघे यांचा मुलगा आणि अभिनेता शंतनू मोघेसोबत लग्न केले. दोघांचा हा प्रेमविवाह आहे. ते आधी एकमेकांचे चांगले मैत्री होते, त्यांच्यातील घट्ट मैत्रीमुळे हे दोघे नंतर प्रेमात पडले होते.

हे ही वाचा: Personal Finance: 'मला माझ्या आजी-आजोबांनी दिलेले दागिने विकायचे आहेत, किती कर भरावा लागेल?', पाहा काय आहे नेमका कायदा

अभिनेता शंतनू मोघेसोबत केलं लग्न..

शंतनू मोघे हा मराठी चित्रपटसृष्टीतील उत्कृष्ट अभिनेता आहे. त्याने अनेक मराठी नाटके आणि सिनेमांमध्ये काम केले आहे. ‘स्वराज्य रक्षक संभाजी’ या गाजलेल्या मालिकेतील छत्रपती शिवाजी महाराजांची भूमिका शंतनूने निभावली होती. त्याने वठवलेल्या या भूमिकेला प्रेक्षकांकडून प्रचंड प्रेम मिळाले होते.

‘रात्र वणव्याची’, ‘कॅरी ऑन मराठा’, ‘रणभूमी’ अशा अनेक सिनेमांमध्ये त्याने काम केले आहे. ‘कॅच दी चान्स’, ‘बंधमुक्त’, ‘तुझसाठी प्रिया रे’ ही त्याची गाजलेली मराठी नाटके.