30 पैकी 28 दिवस प्रदूषित हवा

सप्टेंबर अखेरपर्यंत 60 मायक्रोग्राम प्रति घनमीटरपेक्षा कमी असणारे 'पीएम 2.5' चे प्रमाण ऑक्टोबरच्या सुरुवातीला थेट 140 मायक्रोग्रामपर्यंत आणि 8 ऑक्टोबर रोजी तब्बल 150 मायक्रोग्रामच्या सर्वोच्च स्तरावर पोहोचले. जागतिक आरोग्य संघटनेच्या (WHO) 24 तासांच्या 15 मायक्रोग्राम प्रति घनमीटर या सुरक्षित मानकापेक्षा मुंबईतील हवा 30 पैकी 28 दिवस अधिक दूषित राहिल्याचे आकडेवारीवरून स्पष्ट होते. सध्या अणुशक्ती नगर (153), अंबिवली (139), आणि अंधेरी पूर्व व वांद्रे पूर्व (141) या भागांत हवेचा दर्जा अत्यंत खालावला आहे.

हे ही वाचा : कोल्हापुरात थरार! भरधाव कंटेनरची तीन दुचाकींना धडक, चौघांचा जागीच मृत्यू

मुंबईकरांच्या आरोग्यावर परिणाम?

पावसाळ्यानंतरचे बदलते हवामान, वाऱ्याचा मंदावलेला वेग आणि वातावरणातील कमी हालचाल यांमुळे हवेतील प्रदूषक घटक साचून राहत आहेत. यासोबतच मुंबईतील वाहनांचा धूर, रस्त्यावरील धूळ, बांधकामांची ठिकाणे आणि औद्योगिक उत्सर्जन हे या प्रदूषणातील मुख्य घटक मानले जात आहेत. हे सूक्ष्म कण फुफ्फुसात खोलवर आणि थेट रक्ताभिसरण प्रणालीमध्ये प्रवेश करू शकत असल्याने श्वसनाचे विकार, दमा आणि हृदयविकार असलेल्या व्यक्ती, बालके व वृद्धांच्या आरोग्याला यामुळे मोठा धोका निर्माण झाला आहे.

हे ही वाचा : मुंबई : IIT पवई कॅम्पसमध्ये रात्री आगीचा भडका! दोन चिमुकल्यासंह पाचजण होरपळले

प्रदूषणाची नेमकी कारणे काय?

प्रदूषणाचा हा वाढता आलेख पाहता प्रशासनाकडून बांधकाम, वाहतूक आणि औद्योगिक उत्सर्जनावर कठोर देखरेख ठेवणे गरजेचे बनले आहे. स्थानिक नागरिकांनाही हवेच्या गुणवत्तेचे अपडेट्स पाहूनच घराबाहेर पडण्याचे आणि प्रदूषणाच्या काळात कष्टाची बाह्य कामे टाळण्याचा सल्ला देण्यात आला आहे. हा ऑक्टोबरमधील सुरुवातीचा इशारा असून, शहरातील प्रदूषणाच्या नेमक्या कारणांचा शोध घेण्यासाठी केवळ AQI वर अवलंबून न राहता हवामानशास्त्र आणि स्त्रोत आधारित सखोल विश्लेषणाची गरज आहे.