मुंबईकरांनो सांभाळा, पुढील काही तास तुफान पाऊस.. समुद्रानजीक Rain Bands सक्रिय
मुंबईत संध्याकाळी पावसाचा जोर वाढण्याची शक्यता आहे. किनारपट्टीवर Rain Bands सक्रिय असून काही ठिकाणी मुसळधार, तर अनेक भागांत मध्यम ते जोरदार पाऊस पडण्याचा अंदाज आहे.
ADVERTISEMENT
मुंबई: मुंबईकरांसाठी हवामान आणि पावसाबाबत एक मोठी अपडेट समोर आली आहे. मुंबईच्या किनारपट्टीवर मोठ्या प्रमाणात Rain Bands सक्रिय असून पुढील काही तासात मुंबईतील बऱ्याच ठिकाणी मुसळधार पाऊस पडण्याची शक्यता वर्तवण्यात आली आहे. तर अनेक भागांत मध्यम ते जोरदार पावसाचा अंदाज व्यक्त करण्यात आला आहे.
पुढील काही तास पावसाचा जोर कायम राहणार
सायंकाळी 4.10 वाजताच्या अपडेटनुसार, मुंबईच्या किनारपट्टीवर पावसाचे अनेक पट्टे तयार झाले आहेत. या Rain Bands मुळे काही ठिकाणी जोरदार ते मुसळधार पाऊस पडत आहे. पुढील काही तास ही स्थिती कायम राहण्याची शक्यता आहे.
हे ही वाचा>> Maharashtra Weather : वातावरण फिरलं, 'या' जिल्ह्यांत वादळीवाऱ्यासह पाऊस घालणार धुमाकूळ
विशेष म्हणजे, पावसाचा जोर सर्व भागात सारखा न राहता काही ठिकाणी अचानक मुसळधार सरी कोसळू शकतात. त्यामुळे संध्याकाळच्या वेळी बाहेर पडणाऱ्या मुंबईकरांनी सतर्क राहणे आवश्यक आहे.
मुंबईचे हवामान कसे राहणार?
सध्याच्या अंदाजानुसार मुंबईत ढगाळ वातावरणासह पावसाची शक्यता आहे. त्यामुळे नागरिकांना जोरदार पावसाचा सामना करावा लागू शकतो.