Pune: मिसिंग लिंकबाबत मोठी अपडेट, प्रवास करणार असाल तर ही बातमी वाचा नाहीतर होईल घोळ!
12 ऑगस्टला मुंबई-पुणे एक्स्प्रेसवेवरील कनेक्टिंग लिंक तीन तास बंद राहणार आहे. पुणे-मुंबई वाहतूक जुन्या घाट मार्गाने वळवण्यात येणार असून वाहनचालकांसाठी महत्त्वाच्या सूचना जाणून घ्या.
ADVERTISEMENT
पुणे: मुंबई-पुणे प्रवास करणाऱ्या वाहनचालकांसाठी महत्त्वाची बातमी आहे. यशवंतराव चव्हाण द्रुतगती मार्गावरील मिसिंग लिंकवर बुधवारी (12 ऑगस्ट) 3 तास वाहतूक बदल करण्यात येणार आहे. देखभाल-दुरुस्ती आणि मॉक ड्रिलच्या पार्श्वभूमीवर पुण्याहून मुंबईच्या दिशेने जाणारी मिसिंग लिंकची मार्गिका तात्पुरती बंद ठेवण्यात येणार आहे.
मिसिंग लिंक नेमकी किती वेळ बंद?
12 ऑगस्ट रोजी दुपारी 12 ते 3 वाजेपर्यंत मिसिंग लिंकवरील पुणे-मुंबई मार्गिका वाहतुकीसाठी बंद राहणार आहे. या कालावधीत देखभाल-दुरुस्तीची कामे तसेच मॉक ड्रिल घेण्यात येणार आहे. त्यामुळे या मार्गावरून मुंबईच्या दिशेने जाणाऱ्या वाहनचालकांनी पर्यायी मार्गाचा वापर करणे आवश्यक आहे.
वाहनांना जुन्या मुंबई-पुणे एक्स्प्रेसवेवरून वळवणार
मिसिंग लिंकवरील पुणे-मुंबई मार्गिका बंद असताना सर्व वाहने जुन्या मुंबई-पुणे द्रुतगती मार्गावरील घाट मार्गातून मुंबईच्या दिशेने वळवण्यात येणार आहेत.
हे ही वाचा>> पुण्याची गोष्ट : मिसिंग लिंकचे दोन महिन्यापूर्वी उद्घाटन, पहिल्याच पावसात ठिकठिकाणी खड्डे
त्यामुळे या तीन तासांच्या कालावधीत वाहनचालकांनी पर्यायी मार्गाचा वापर करावा, असे आवाहन करण्यात आले आहे.