कॅन्सरग्रस्त सासूच्या उपचारासाठी पैसे आण, सांगलीतील प्रेमविवाह केलेल्या मुलीचा छळ; शेवटी विषारी औषध घेतलं अन्...
Sangli Crime : कॅन्सरने त्रस्त सासूच्या उपचारासाठी माहेरुन पैसे आण, नवविवाहिता जाचाला कंटाळली; विषारी औषध घेतलं अन्...
ADVERTISEMENT
बातम्या हायलाइट
कॅन्सरग्रस्त सासूच्या उपचारासाठी पैसे आण, सासरकडील लोकांकडून छळ
नवविवाहित तरुणीने विष पिऊन आयुष्य संपवलं
इस्लामपूर, सांगली : इस्लामपूर शहरातील अंबाबाई मंदिर परिसरात राहणाऱ्या 25 वर्षीय नवविवाहित अमृता ऋषीकेश गुरव हिने विषारी औषध प्राशन करून आत्महत्या केल्याची धक्कादायक घटना उघडकीस आली आहे. सासूच्या उपचारासाठी माहेरहून दोन लाख रुपये आणण्यासाठी वारंवार तगादा लावल्यामुळे अमृताने हे टोकाचे पाऊल उचलल्याची माहिती पोलिसांनी दिली. या प्रकरणी सासरच्या पाच जणांविरुद्ध हुंडाबळीचा गुन्हा दाखल करण्यात आला आहे.
सासरकडील मंडळींकडून सातत्याने मानसिक आणि शारीरिक छळ
फिर्यादी वंदना अनिल कोले (रा. रेठरेहरणाक्ष) यांनी दिलेल्या तक्रारीनुसार, अमृताचा सासरकडील मंडळींकडून सातत्याने मानसिक आणि शारीरिक छळ केला जात होता. सासू कर्करोगाने त्रस्त असल्याने तिच्या उपचारासाठी दोन लाख रुपये माहेरहून आणावेत, असा दबाव अमृतावर टाकण्यात येत होता. या सततच्या जाचहाटीला कंटाळून तिने आत्महत्येचा मार्ग पत्करला, असे फिर्यादीत नमूद केले आहे.
हेही वाचा : भरधाव Ertiga कार डिव्हायडर तोडत समुद्रात कोसळली अन् थेट तळाला; मुंबईतील कोस्टल रोडवर भीषण अपघात
अमृताचा सुमारे अकरा महिन्यांपूर्वी ऋषीकेश गुरव याच्याशी प्रेमविवाह झाला होता. सुरुवातीला संसार सुरळीत असला, तरी नंतर सासरकडून पैशासाठी त्रास सुरू झाला, अशी माहिती अमृताच्या नातेवाईकांनी दिली.
हे वाचलं का?
