'हसू झालंय माझं..,जीव होता तो माझा..', सोलापुरातल्या पायलची काळजाचं पाणी करणारी सुसाईड नोट; तिघांना अटक
Solapur Crime News : माळशिरस तालुक्यातील खुळेवाडी येथील पायल रणदिवे हिला आयुष्यात काहीतरी करून दाखवायची जिद्द होती. तिला ब्युटी पार्लर सुरू करायचे होते आणि त्यासाठी तिने रीतसर क्लासही लावला होता. मात्र, तिच्या या छोट्याशा स्वप्नाचा सासरच्या मंडळींनी गळा घोटल्याचा आरोप होत आहे. शनिवारी सायंकाळी पायलने राहत्या घरी टोकाचे पाऊल उचलत आत्महत्या केली.
ADVERTISEMENT
बातम्या हायलाइट
'हसू झालंय माझं..,जीव होता तो माझा..',
सोलापुरातल्या पायलची काळजाचं पाणी करणारी सुसाईड नोट; तिघांना अटक
Solapur Crime News, सोलापूर : "माझं हसू झालंय... माझं पार्लर बंद केलं... जीव होता तो माझा... स्वप्न होतं गं..." एका 22 वर्षांच्या तरुण विवाहितेचे हे शेवटचे शब्द आता संपूर्ण सोलापूर जिल्ह्याला चटका लावून जात आहेत. सोलापूरच्या माळशिरस तालुक्यातील नातेपुते परिसरात एका धक्कादायक घटनेने खळबळ उडाली आहे. स्वतःच्या पायावर उभे राहण्याचे स्वप्न पाहणाऱ्या पायल रणदिवे या विवाहितेने सासरच्या जाचाला कंटाळून आपली जीवनयात्रा संपवली.
स्वप्नांचा चक्काचूर आणि सासरचा छळ
माळशिरस तालुक्यातील खुळेवाडी येथील पायल रणदिवे हिला आयुष्यात काहीतरी करून दाखवायची जिद्द होती. तिला ब्युटी पार्लर सुरू करायचे होते आणि त्यासाठी तिने रीतसर क्लासही लावला होता. मात्र, तिच्या या छोट्याशा स्वप्नाचा सासरच्या मंडळींनी गळा घोटल्याचा आरोप होत आहे. शनिवारी सायंकाळी पायलने राहत्या घरी टोकाचे पाऊल उचलत आत्महत्या केली.
हातावर कोरल्या वेदना
पायलने आत्महत्येपूर्वी चिठ्ठी न लिहिता आपल्या हातावरच आपल्या वेदना लिहून ठेवल्या होत्या. तिने हातावर लिहिलेला मजकूर वाचून उपस्थितांच्या काळजाचे पाणी झाले. तिने लिहिले होते: "हसू झालंय माझं, माझं पार्लर बंद केलं.. जीव होता तो माझा.. स्वप्न होतं ग.. आजवर शांत बसले पण आता नाही. चांगल्या आई-बापाची लेक आहे म्हणून निघूनही गेले नाही.. माझ्यामुळे त्रास झाला असेल तर sorry."
हे वाचलं का?
