Supriya Sule : अजित पवारांचा एकनाथ शिंदेंना सवाल, सुप्रिया म्हणाल्या, ‘चुकीचं…’
Supriya sule support ajit pawar. she said that ajit pawar raised question because it’s public issue. nothing wrong in that.
ADVERTISEMENT
Ajit Pawar Eknath shinde : ठाण्यातील महापालिकेच्या रुग्णालयात एकाच दिवशी १८ रुग्णांचा मृत्यू झाल्याची धक्कादायक घटना घडली होती. या घटनेनंतर अनेक आरोप प्रत्यारोप देखील झाले होते. ही घटना घडली तेव्हा मुख्यमंत्री एकनाथ शिंदे हे त्यांच्या गावी साताऱ्यात होते. जितेद्र आव्हाडांनी या रुग्णालयाला भेट देत अनेक सवाल देखील उपस्थित केले होते.
विरोधकांनी हा मुद्दा लावून धरत एकनाथ शिंदे यांना चांगलंच लक्ष केलं होतं. शिंदेंच्या ठाण्यात नेमकं काय चालू आहे असा प्रश्न देखील विचारण्यात आला होता. विरोधक एकनाथ शिंदेंना घेरत असताना एका खासगी बैठकीत थेट अजित पवारांनीच एकनाथ शिंदेंना जाब विचारल्याच्या बातम्या समोर आल्या होत्या.
मंत्रिमंडळ बैठकीत अजित पवार-एकनाथ शिंदेंमध्ये काय झालेलं?
शुक्रवारी (18 ऑगस्ट) मंत्र्यांची एक खासगी बैठक पार पडली. या बैठकीला सर्वच मंत्री हजर होते. या बैठकीत राज्याच्या विविध प्रश्नांवर चर्चा करण्यात आली. हे सुरु असतानाच ठाण्यातील रुग्णालयातील मृत्यूंचा मुद्दा अजित पवारांनी उपस्थित केला. तुमच्या ठाण्यात एवढे मृत्यू कसे? असा थेट सवाल अजित पवारांनी मुख्यमंत्री एकनाथ शिंदे यांनाच विचारला.
यावेळी रुग्णालयात मृत्यू कसा झाला, किती रुग्ण गंभीर होते, शेवटच्या क्षणी किती रुग्ण रुग्णालयात आले, रुग्णालयावर येणारा ताण या बाबतची माहिती शिंदेंनी अजितदादांना दिली. दादा आणि शिंदेंमध्ये शाब्दिक चकमक होण्याची शक्यता असल्याने देवेंद्र फडणवीस यांनी मध्यस्ती करत विषयाला बगल दिली.
हे वाचलं का?
