उल्हासनगर : गर्भवती महिला ट्रॅफिक जाममध्ये अडकली, रिक्षात दिला बाळाला जन्म
Ulhasnagar traffic jam : उल्हासनगरमध्ये वाहतूक कोंडीत रिक्षा अडकल्याने गर्भवती महिलेची रिक्षातच प्रसूती झाली. रुग्णालय काही अंतरावर असतानाही कोंडीमुळे वेळेत पोहोचता आले नाही.
ADVERTISEMENT
बातम्या हायलाइट
उल्हासनगर : गर्भवती महिला ट्रॅफिक जाममध्ये अडकली
रिक्षात दिला बाळाला जन्म
Ulhasnagar traffic jam : महाराष्ट्रातील उल्हासनगरमध्ये वाहतूक कोंडीमुळे गर्भवती महिलेची रिक्षात प्रसूती झाल्याची घटना समोर आली आहे. प्रसूतीच्या कळा सुरू झाल्यानंतर हरिकला थापा यांना उपचारासाठी सरकारी सेंट्रल रुग्णालयात नेण्यात येत होते. मात्र, रुग्णालयाच्या दिशेने जात असताना त्यांची रिक्षा न्यू एरिया परिसरात वाहतूक कोंडीत अडकली. रुग्णालय काही अंतरावरच असतानाही रस्ता बंद असल्याने रिक्षा पुढे जाऊ शकली नाही. यादरम्यान महिलेच्या प्रसूतीच्या कळा वाढत गेल्या आणि अखेर रुग्णालयात पोहोचण्यापूर्वीच रिक्षेत महिलेची प्रसूती झाली.
हेही वाचा : Personal Finance: तुमच्या घरातील कोणत्या वस्तूंचा Insurance असायला हवा आणि कोणाचा नसावा?
मंगळवारी कॅम्प क्रमांक 3 मधील सेक्शन 20 परिसरात राहणाऱ्या हरिकला थापा यांना प्रसूतीच्या कळा सुरू झाल्या होत्या. त्यानंतर कुटुंबीयांनी त्यांना उपचारासाठी सरकारी सेंट्रल रुग्णालयात नेण्याचा निर्णय घेतला. त्यावेळी तात्काळ दुसरे वाहन उपलब्ध नसल्याने कुटुंबीयांनी त्यांना रिक्षाने रुग्णालयात नेण्यास सुरुवात केली. रिक्षा न्यू एरिया परिसरात पोहोचताच ती मोठ्या वाहतूक कोंडीत अडकली. या कोंडीत रिक्षा सुमारे 15 ते 20 मिनिटे अडकून राहिली. या काळात महिलेच्या प्रसूतीच्या कळा वाढत होत्या. रुग्णालय जवळ असतानाही वाहतूक कोंडीमुळे रिक्षा पुढे सरकत नव्हती.
हेही वाचा : Personal Finance: तुमच्या घरातील कोणत्या वस्तूंचा Insurance असायला हवा आणि कोणाचा नसावा?