Thane: MSRDC च्या संचालकाच्या मुलाचं भयंकर कृत्य, गर्लफ्रेंडला कारने चिरडल्याचा आरोप
Ashvajit Gaikwad crushing girlfriend Priya Singh with car: MSRDC च्या संचालकाचा मुलगा अश्वजीत गायकवाड याने त्याची गर्लफ्रेंड प्रिया सिंह हिला कारने चिरडल्याचा अत्यंत गंभीर असा आरोप त्याच्याविरोधात करण्यात आला आहे. तसेच याप्रकरणी FIR देखील दाखल करण्यात आला आहे.
ADVERTISEMENT
Ashvajit Gaikwad Girlfriend: ठाणे : ठाण्यातील घोडबंदर रोडवरील ओव्हल कॉम्प्लेक्समध्ये अश्वजीत गायकवाड नावाच्या तरुणाने त्याची गर्लफ्रेंड प्रिया सिंह हिला कारने चिरडल्याचा गंभीर आरोप करण्यात आला आहे. या घटनेत प्रिया सिंह ही तरुणी गंभीर जखमी झाली आहे. अश्वजीत गायकवाड याने दोन मित्रांच्या सांगण्यावरून हे कृत्य केल्याचा आरोप पीडीत प्रियाने केला आहे. सध्या प्रियावर खासगी रुग्णालयात उपचार सुरू आहेत. या प्रकरणातील महत्त्वाची बाब म्हणजे अश्वजीत गायकवाड हा महाराष्ट्र राज्य रस्ते विकास महामंडळ (MSRDC)चे संचालक अनिल गायकवाड यांचा पुत्र आहेत.
‘प्रथम प्राणघातक हल्ला आणि नंतर रेंज रोव्हर डिफेंडरने चिरडले’
पीडित प्रिया सिंग ही घोडबंदर येथे राहते. प्रिया ही उच्च शिक्षित आहे आणि तिच्या कुटुंबातील एकमेव कमावती सदस्य आहे. सोमवारी ठाण्यातील घोडबंदर रोडवरील ओवळा संकुलात अश्वजीत गायकवाड याने प्रियाला प्रथम मारहाण केल्याचा आणि यानंतर पहाटे साडेचारच्या सुमारास तिला रेंज रोव्हर डिफेंडर कारने चिरडून जखमी केल्याचा आरोप करण्यात आला आहे.
हे ही वाचा>> जावयाचा जीव सासूवर जडला, अंधारात चाळे सुरू असतानाच बायको आली अन्…
प्रिया सिंहने आरोप केला आहे की, अश्वजीत गायकवाड याने त्याच्या मित्रांकडून याबाबत सल्ला घेतला होता. अश्वजीत गायकवाड यांचे मित्र रोमिल पाटील आणि सागर शेळके यांनी सल्ला दिल्याचा आरोपही प्रियाने केला आहे. आरोपानुसार, अश्वजीत गायकवाडने प्रथम प्रिया सिंहला मारहाण केली. त्यानंतर तिच्या हाताला चावा घेतला. यानंतर त्याने तिला कारमधून दूर नेलं आणि तिला चिरडण्याचा प्रयत्नही केला. त्यानंतर प्रिया सिंहला तशाच अवस्थेत सोडून तो पळून गेला. पीडित प्रिया सिंह हिने हे सर्व आरोप तिच्या इन्स्टाग्राम आयडीवर पोस्ट करत न्यायाची याचना केली आहे.
View this post on Instagram
हे वाचलं का?
